Revelesin 8:5 - U Bulunagana U Niga

⁵ Ba angelo e lueiena a kaan hohongo turu insens me hongeneien u tulana tara makumun haats me lapo nena men tara han i puta. Ba u gururu na u kanaha na nun e butuna, na man palaina manka e olongo has.

Revelesin 8:5 ပူးပေါင်းရင်းမြစ်များ

Matiu 24:7

A töa han e hiatatung mena romana a tana han, na palair u hun katuun e hiapulpular romana. Na e kamenou a bes pan na nun pan has tara han a parpara.

U Bulungana u Niga tere Iesu Kristo te kolotein e Luk 12:49

E Iesu e ranga lel me poeiena, “Alia u la silema tegomi hala menai u tula i puta, na lia e solon ngil koruegu u tula teka ega kulupu boroboro!

Aposol 16:26

Ba töa nun a pannen koru e songots butuna me gas hapanena a luman karabus me tagas hanöa nitöa nama i kopina u tul tara luma. Ba man tamana hoboto e takalatar, na u tsien i tapurese ba hasir a mour u karabus me rusur.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 4:5

U kanaha e butuma turu gumgum u göagono tere Sunahan, na u gururu na man tana manka e olongo hasima. Na u tohit u bito i kulupuia i matana u gumgum u göagono. Nori u tohit u namnamei tere Sunahan.

Revelesin 6:12

Pöata te lukapeia a Tunan Sipsip a hatönomona a kaan harokotokap, ba nun pan e butuna, ba pitala e butu haruruhanana me here nei u labalaba u ruruhana, ba tsihou e butu harörö here nei u rahatsing.

Revelesin 8:3

A tana angelo te ka mei a kaan hohongo turu insens a goul emi tuol ia i rehina makumun haats. Nonei i hale ii u insens u para tegi hala gono menaien u singo turu katuun hoboto tere Sunahan. Ba nonei e haatse nen tara makumun haats a goul te kana i mam turu gumgum u göagono.