Revelesin 8:10 - U Bulunagana U Niga

¹⁰ Ba hatopisana angelo e pihena a tuhil i tanen. Ba töa pitopito pan te kulupu hapan here ii u bito e rus nama i kolö me rus uana tara hatopisana pala turu ramun olo na tara man ramun te bututuna.

Revelesin 8:10 ပူးပေါင်းရင်းမြစ်များ

Matiu 25:1

Be Iesu e ranga lelna turu katunun tsitsilo i tanen me poeiena, “Pöata te butu nama romana u lan tego la pouts ma a Tsunono, ba Nipepeito tere Sunahan te here namei romana a maloto a tahol a kukubei ti lui a man lam i taren bate la siler tegina tara menaien a tson tego hitöl.

U Bulungana u Niga tere Iesu Kristo te kolotein e Luk 10:18

Be Iesu e ranga palis ranen, “Aa, alia u tari e Satan e rus here mei u kanaha i Kolö.

U pas te kolotein e Jut 1:13

A lomolomo e kato haposeiena u tasi bate habutena u puei u korkoriana. Na e markato has uana iesana turu katuun teka tema antunan hamouseri a markato a korkoriana i taren. A tapisu e roron tiana turu kuhil i lehana. Te kato has uaier u tson hihatuts u gamogamo teka. Nori e la hamatskö uaier romana tara nihahuna tere Sunahan tema tatei kapa nei.

Revelesin 1:20

Na nonei teka temar mouna uana a tohit a pitopito te tare mula lö tara pal matou i limar, na temar mouna has uana u tohit u lam u goul: na tohit a pitopito nori u tson pepeito kap tara tohit a hun katuun tere Kristo, na u tohit u lam nori a tohit a hun katuun teka.”

Revelesin 12:4

A hisnen e salo bani a hatopisana pala turu pitopito me lapo ba ranen i puta. Ba kökötsi ena tuolna i matana a tahol te katsin posa. Nonei e ngilin noui a pien tara pöata tegi poseien.

Revelesin 14:7

Ba nonei e ranga hapanina me poeiena, “Alimiou go matoute iam e Sunahan bate soloseie men. A pöata e butu hakapa tego ona meraien u katuun. Alimiou go hatsunone men, nonei te habutu u kolö na u puta na u tasi na man ramun te bututuna!”

Revelesin 16:4

Ba hatopisana a angelo e kis nena a kap i tanen turu ramun olo na tara man ramun te bututuna ba nori e palis has uaier turu rahatsing.

Revelesin 6:13

Ba u pitopito ri iasa e rus uarima i puta, me hererari a huana u ruei te gas nena a lomolomo a tagala.

Revelesin 8:7

Ba angelo tutuun e pihena a tuhil i tanen. Ba aisina tara langits na u tula ti sohale ii u rahatsing e lapo naria i puta. Ba hatopisana pala turu tsiktsiki na turu ruei e atsir. Ba u garas u pelpeli e ats hoboto hasir.

Revelesin 9:1

Ba hatolimana angelo e pihena a tuhil i tanen. Ba lia e taregu a töa pitopito te rusuma i kolö me rus uanama i puta. A pitopito i hale ii a kii tara tamanana tara kiou te möa ta nönöanen.

Revelesin 9:15

A tohats a angelo teka i hahalosi u hiningal teka na tsihou teka na u lan teka na aua teka. Ba nori te purese raier, tegina atung hamate meraien a hatopisana a pala turu katuun hoboto.

Revelesin 9:18

A topisa ka a omi teka i kato hamateir a hatopisana a pala turu katuun hobotora i puta.