Revelesin 7:2 - U Bulunagana U Niga

² Na lia u tarei a tana angelo e la seima tara pala te butu nama a pitala, na nonei e ka mei a kaan titi tara nitsunono tere Sunahan te töatöana. Ba nonei e ku hapan uana tara tohats a angelo ti halara ii a nitagala tegi kato homi menaien u tsiktsiki na u tasi.

Revelesin 7:2 ပူးပေါင်းရင်းမြစ်များ

Matiu 16:16

Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”

Matiu 26:63

Kaba e Iesu e kakamoto ba nitöa raien. Ba tsunono e ranga lelna i tanen me poeiena, “Alia e rangate gia lö i matana e Sunahan, alö go hatei ramei lam, alö e Mesaia, a Pien Tson tere Sunahan?”

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

2 Korin 1:22

Nonei e böto kap sil raira tegi katuun uu ra i tanen, me hala has raneira u Namnamei i tanen, a ka tutuun te hatei raneira a mamanaka te ranga hamana naien ena la nama romana.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

Epesis 4:30

Alimiou goma kato hataatagemi u Namnamei u Göagono tere Sunahan, taraha nonei a hatöatongo tere Sunahan te haröto nena te hanöa ba mena milimiou romana a manka man omi hoboto.

1 Tesalonaika 1:9

U katuun e hatei noahas rari lam tu mar toul mera milimiou alam, na nori i hatei has rai lam tu laba menami limiou u kesa bate kukutie miou e Sunahan a Got hamana na Got a töatöa.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Hibru 12:22

Kaba limiou uma la uamei tara han te markato uana teka. E möa. Alimiou u la uamuma turu Pokus i Saion, te ngöeri a han tere Sunahan te töatöana, na te ngö haseri a Jerusalem a Tsimus te kana i Kolö. Alimiou u la uamuma turu angelo u parpara koru te ka hobotor bate sasaala nitöar.

Revelesin 1:3

A katuun te ritena u raranga teka na u katuun has te hengoer a manka ti koloto naia turu rangan propet teka bate kukutie ren, egi sasaala. E hatei nena a manka te butu nou, na pöata e sukusuku nama te butu hamana noua a manka teka.

Revelesin 10:1

Ba lia e taregu a tana angelo a tagala e koulma i Kolö. U köasi e kopo kap naien na bötou e hahisi a bakunen. Na matanen e here ii a pitala, na mounen e here ii u tula.

Revelesin 10:4

Pöata ti soul hakapa ia u tohit u gururu, ba lia e katsin koloto nagien turu pepa. Kaba u töa u rarangana i Kolö e pei i tar, “Hamousi u raranga turu tohit u gururu, möa tu koloteien.”

Revelesin 16:12

Ba hatönomona a angelo e kis nena a kap i tanen tara ramun olo pan i Yupretis. Ba ramun teka e rakarakana bu tsunonor tara pala te butu nama a pitala te antunan aroho rima.

Revelesin 5:2

Ba lia e taregu a töa a angelo a tagala koru e ranga hapan me poeiena, “Esi te ka mena a nitsunono te antunan lukapa nena u kaan harokotokap bate palatena a pits pepa teka?”

Revelesin 8:3

A tana angelo te ka mei a kaan hohongo turu insens a goul emi tuol ia i rehina makumun haats. Nonei i hale ii u insens u para tegi hala gono menaien u singo turu katuun hoboto tere Sunahan. Ba nonei e haatse nen tara makumun haats a goul te kana i mam turu gumgum u göagono.

Revelesin 9:14

Ba u raranga e poeiena tara hatönomona angelo te ka mei a tuhil, “Hapurese a tohats a angelo ti kits kap ria tara ramun olo pan te ngöeri i Yupretis.”

Revelesin 9:4

Nori i hateirai egima tatei kato homiei u garas tsi a ruei na manka te lebeier. Nori gi kato hakamits lasir u katuun tima ka mei a hatöatongo tere Sunahan i poleren.