Revelesin 7:15 - U Bulunagana U Niga

¹⁵ Tara markato teka te tuol sila rien i matana u gumgum u göagono tere Sunahan, nori e soloseieren tara mamana pöata, tara lan na bong, iahana Luman Lotu Pan i tanen. Ba nonei te ka gono meranen bate tara kap ranen.

Revelesin 7:15 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

2 Korin 6:16

U saha u hanhaniga te kamer a luma tere Sunahan na u kesa? Taraha, ara e here rei a Luma tere Sunahan te töatöana. Te mar ranga peisa noa has uu e Sunahan, “Alia ena ka goua i toriren bate hula la goua i gusuren. Alia e Sunahan i taren na nori u katuun i tar.”

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Hibru 8:1

A ka koru a kapan te ranga nemulam e markato uana teka: e Kristo nonei a pris a tsunono pan i tarara. Nonei e gumna tara pal matou tere Tamanen i Kolö.

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 13:6

Ba nonei e tanian ranga hohomi koru nena e Sunahan na solonen na han i tanen na eresi te ka ria i Kolö.

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Revelesin 21:22

Na lia uma tare ii ta luman lotu iahana taun teka, taraha a Tsunono e Sunahan te tagala saluhena na Tunan Sipsip nori a luman lotu tara taun.

Revelesin 22:3

E möa nou tu hamal tara taun teka. U gumgum u göagono tere Sunahan na tara Tunan Sipsip e ka noua tara taun teka, na u katunun kui i tanen e hatsunone rouen.

Revelesin 22:5

E möa lel nou ta bong, na nori ema ngil lele roi tu lam na ta pitala. A Tsunono e Sunahan nonei u ualesala i taren. Ba nori te tsunono riou tara mamana pöata i murimuri.

Revelesin 4:4

Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.

Revelesin 4:8

A tohats hoboto a ka a töatöa teka i ka mei a man tönomo a man pakapaka, na nori i saputu has mei u mata i tuenrei ren na iahana u pakapaka has. Tara lan na bong nori e hets nitöar bate mar hets uaier teka: “Göagono, göagono, göagono Nonei a Tsunono e Sunahan te Tagala Koruna. Nonei e ka mam, na nonei e kana, Na nonei ena la has nama romana.”

Revelesin 4:9

Ba te roron solosei ria nori a tohats a ka a töatöa teka e Sunahan bate hapane ren na e haniga has uaier i tanen, nonei te gum na turu gumgum u göagono, nonei te töatöa nitöana.

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.