Revelesin 6:12 - U Bulunagana U Niga

¹² Pöata te lukapeia a Tunan Sipsip a hatönomona a kaan harokotokap, ba nun pan e butuna, ba pitala e butu haruruhanana me here nei u labalaba u ruruhana, ba tsihou e butu harörö here nei u rahatsing.

Revelesin 6:12 ပူးပေါင်းရင်းမြစ်များ

Matiu 11:21

Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.

Matiu 24:29

“I murina pouts noahas a pöata tara niomi, a pitala e kuhilina romana, na tsihou ema piri has nei romana, na u pitopito e rus rima romana i kolö. Ba mamanaka a tagala na i kolö te tagasir romana.

Matiu 24:7

A töa han e hiatatung mena romana a tana han, na palair u hun katuun e hiapulpular romana. Na e kamenou a bes pan na nun pan has tara han a parpara.

Matiu 27:45

Ba tara gusuna söasa bu kuhil e kopo kap nena a han hoboto, me antunan töana tara topisa a aua.

Matiu 27:54

Ba tsunono turu soldia na u soldia i tanen ti pepeito kapiin e Iesu e tarer a mamanaka te butu, na nun has, ba nori e matout korur me poeier, “U mana koru lahas nonei a Pien Tson hamana tere Sunahan!”

Matiu 28:2

Ba nun a tagala e songots gasina, taraha a angelo tara Tsunono e lama i Kolö me hategele ba nena a hatu, me gumna ielunen.

U Bulungana u Niga tere Iesu Kristo te kolotein e Mak 15:33

Tara 12 kilok tara söasa, bu kuhil e kopo kap nena a man han hoboto e antunaia tara 3 kilok.

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 16:18

Ba u kanaha e butu nama, na u gururu, na nun pan, na man tana manka e olongo hasima. A nun teka e pan balein u nun hobotona i manasa koru te antunana i romana.

Revelesin 16:8

Ba hatohatsina a angelo e kis nena a kap i tanen tara pitala, bu hiski pan e skiena a tuenreir u katuun.

Revelesin 8:12

Ba hatohatsina angelo e pihena a tuhil i tanen. Ba hatopisana pala tara pitala na tara tsihou na turu pitopito e kato hakuhil raier, ba u ualesala i taren e momona. Ba hatopisana pala tara lan ema alesala nei, ne möa has tu ualesala tara hatopisana pala tara bong.

Revelesin 8:5

Ba angelo e lueiena a kaan hohongo turu insens me hongeneien u tulana tara makumun haats me lapo nena men tara han i puta. Ba u gururu na u kanaha na nun e butuna, na man palaina manka e olongo has.