Revelesin 6:1 - U Bulunagana U Niga

¹ Alia u tara ba Tunan Sipsip te lukapena a töa tara tohit a kaan harokotokap. Ba lia e hengogu ba töa tara tohats a ka a töatöa te poeiena, “Lamuma,” u ranga i tanen e ling herenei u gururu.

Revelesin 6:1 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

Aposol 4:20

Alam ema antunan hahalongolo ba nami a ka tu tari lam na tu hengoe lam.”

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 14:2

Ba lia e hengoegu u töa u mar ling i Kolö te olongo here ii a ramun pan na u gururu pan te tsipöho. Na e here hase ii a hap te ling here nei a gita te roron sakasakeier.

Revelesin 19:6

Ba lia e hengoegu a ka te ling here ii u ranga tara hun katuun pan. E olongo here ii u tasi na e tsipöho here hasi u gururu. Ba nori e poeier: “Soloseiem e Sunahan a Tsunono i tarara te tagala saluhena, na te tsunono panina.

Revelesin 4:8

A tohats hoboto a ka a töatöa teka i ka mei a man tönomo a man pakapaka, na nori i saputu has mei u mata i tuenrei ren na iahana u pakapaka has. Tara lan na bong nori e hets nitöar bate mar hets uaier teka: “Göagono, göagono, göagono Nonei a Tsunono e Sunahan te Tagala Koruna. Nonei e ka mam, na nonei e kana, Na nonei ena la has nama romana.”

Revelesin 5:1

Ba lia e Jon e tareiegu u lima u pal matou tere Sunahan e pilein a pits pepa te gum ien turu gumgum u göagono. Nonei a pits pepa teka i koloto hihapalein, na i harokoto kap nai u tohit u kaan harokotokap.

Revelesin 5:8

Pöata te lu hakapeien a pits pepa, ba tohats a ka a töatöa na u huol u maloto na tohats a tsunono e hopöe ria a peisaren i puta i matana Tunan Sipsip. Nori i ka hoboto mei a man kaan köma te ngöeri a hap na man kap ti katoe ii a goul e saputi u insens. U insens e haharuei nena a man singosingo turu katuun tere Sunahan.

Revelesin 6:3

Ba Tunan Sipsip e lukapena a hahuoluna kaan harokotokap, ba lia e hengogu ba hahuoluna a ka a töatöa te poeiena, Lama!

Revelesin 6:5

Pöata te lukapeia a Tunan Sipsip a hatopisana kaan harokotokap, ba lia e hengogu ba hatopisana a ka a töatöa te poeiena, Lama! Ba lia e taregu a hos a ruruhana, na ka te osaia i tanen e pilein a skel i limanen.

Revelesin 6:7

Ba Tunan Sipsip e lukapena a hatohatsina kaan harokotokap, ba lia e hengogu ba hatohatsina a ka a töatöa te poeiena, Lama!

Revelesin 8:1

Tara pöata te lukapeia a Tunan Sipsip a hatohitina a kaan harokotokap, a ka e kakamoto koruia i Kolö, e antunaia tara hap aua.