Revelesin 5:9 - U Bulunagana U Niga

⁹ Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

Revelesin 5:9 ပူးပေါင်းရင်းမြစ်များ

Matiu 26:28

Taraha, nonei u rahatsing i tar te kato hatagalenou u rangan kits tere Sunahan na te takis bera nou u katuun u parpara bate luba nanou a markato a omi i taren.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

1 Korin 6:20

Taraha, nonei e sakahis rai limiou a hihol pan. Alimiou go solosei memi e Sunahan u tuenrei i tamilimiou.

1 Korin 7:23

E Sunahan e sakahis railimiou a hihol pan. Ba limiou tema tatei katunun kukui puku uami tara katuun tuun.

Epesis 1:7

Pöata te mateia e Kristo, bu rahatsing i tanen e sakahis ranoura be Sunahan e luba nena a man markato a man omi i tarara. A nitaatagi i tanen e pan koru, ba nonei e hitaguhu haniga koruna i tarara.

Epesis 5:19

Na pöata te ka hoboto mia limiou ba limiou te kömemiou u sam na u köman lotu na u köma te köma ria turu namnamei. Ba limiou te köma memi u köman lotu tara Tsunono bate köma memien u nihamana i torimilimiou bate soloseie men.

Kolosi 1:14

E Sunahan e sakahis sila raiara i tanen me luba ranera a man markato a man omi.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Hibru 11:14

U katuun temar ranga uaier teka e haröto ner nori e sakier ta han tegi tue hamatsköeien.

2 Pita 2:1

Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.

1 Jon 2:2

Taraha, e Iesu te sakahis raioura tere Sunahan tara pöata te mateien. Nonei ema kato pepeisa beraira a ka teka. Kaba nonei e kato mei a ka teka tega taguhu meraien u katuun hoboto tara mamana han i puta.

Revelesin 10:11

Ba nonei e poeiena i tar, “Alö gona ranga hatei lenin a manka te butu noua tara man hun katuun a man parpara tara man han, na turu mamana u mar ranga u parpara na turu tsunono.”

Revelesin 11:9

Turu topisa na hapalana u lan, u katuun tara mamana hun katuun na tara mamana han na turu mamana u mar ranga e röter romana a tuenreiren, ba nori te hapiou ner tegi kaho meraien.

Revelesin 13:7

Na i hatangana hasiin tego hiatatung gono meraien u katuun tere Sunahan bate tagala saluhe ranen. Na nonei i katoe ii a tsunono pan turu han hoboto na u hun katuun hoboto na turu mamana u mar ranga.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 14:6

Ba lia e taregu a tana angelo e tapaia iasa koru. Nonei e ka mei u Bulungana u Niga te ka nitöana te habulungana nanen turu katuun i puta turu han hoboto na turu mamana u mar ranga hoboto na tara man hun katuun hoboto has.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Revelesin 17:15

Ba angelo e pei hasena i tar, “A man ramun olo te tare mula lö te gumna a tahol e haharuei naier a man hun katuun na man han na man ranga a man parpara.

Revelesin 5:6

Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.