Revelesin 4:8 - U Bulunagana U Niga

⁸ A tohats hoboto a ka a töatöa teka i ka mei a man tönomo a man pakapaka, na nori i saputu has mei u mata i tuenrei ren na iahana u pakapaka has. Tara lan na bong nori e hets nitöar bate mar hets uaier teka: “Göagono, göagono, göagono Nonei a Tsunono e Sunahan te Tagala Koruna. Nonei e ka mam, na nonei e kana, Na nonei ena la has nama romana.”

Revelesin 4:8 ပူးပေါင်းရင်းမြစ်များ

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

2 Korin 6:18

“Alimiou ena hatamana moua romana i tar, na limiou ena galapien tson, na ena galapien touhaliou uamou i tar. Temar ranga uana a Tsunono te tagala soköna.”

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Timoti 4:16

Tara hanigei temar ka uamölö na manka te hihatuts nemölö. Pile hakarapotein a markato teka, ba lö te taguhe mou a peisamölö na u katuun has te hengoe riou lö.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Hibru 13:8

E Iesu Kristo, nonei puku noahasina i manasa, na i romana na tara mamana pöata. Nonei ema tatei palis nei.

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.

Revelesin 1:8

E Sunahan a Tsunono e poeiena, “Alia a Hahatania na Nikapakapa. Na lia u ka mam noahas, na lia e kagu, na lia ena ka noahas gou i murimuri. Nonei Alia te solon tagala saluhe negu a mamanaka.”

Revelesin 11:17

Ba nori e poeier: “O Tsunono, alö e Sunahan te Tagala Korum. Alö e kam, na lö u ka mam noahas. Alam e haniga mem tu haröto menai lö a nitagala a kapan i tamölö na e tsunono mia tara han i puta.

Revelesin 14:11

U ruhu turu tula te hakamits ranouen e la sei nitöa nou, nema tatei kapa nei. E möa koru ta pöata tego ski tara lan na bong turu nihahuna i taren, nori u katuun ti hatsunoni a ka a töatöa na u kesa i tanen na nori ti lui a hatöatongo tara solonen.”

Revelesin 14:3

Ba nori e tuol ria i matana e Sunahan te gum nen turu gumgum u göagono, i matana a tohats a ka a töatöa, na i matana a pal tsunono. Ba nori e kömeier u töa u hets u tsimus tema tatei hetseri a palair u katuun. Nori u 144,000 tara katuun teka te sakahis ba ra ii e Sunahan a han i puta, nori peisa te tatei hetseier u hets teka.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Revelesin 15:7

Ba töa tara tohats a ka a töatöa e hala ranei a tohit a angelo a tohit a kap ti kuiei a goul. A man kap teka i saputi a raharaha tere Sunahan, nonei te töatöa nitöana.

Revelesin 16:14

Nori u liliahanei u omi koru ti tatei kato a man mirakol. A topisa liliahanei teka i la uu turu tsunono turu han hoboto i puta. Nori i la sil tegi gono hoboto sil menaien a hiatatung turu Lan u Kapan tere Sunahan te tagala saluhena.

Revelesin 16:7

Ba lia e hengoegu u töa u ranga te butuma tara makumun haats me poeiena: “O Tsunono, o Sunahan. Alö e tagala saluhem! A markato te hahuna mera mei lö u katuun e matsköna na e mana nitöana!”

Revelesin 19:15

Na u kilatan hiatatung u nou koru e lakasama i runguna a tsunono i taren. Nonei ena tusaluhe menou u kilata teka turu han hoboto ba nonei te tsunono hatagala ranouen. Nonei ena hahuna ranou u katuun u omi bate here noi a katuun te pita bulbulena u grep. U grep e haharuei nena u katuun u omi, na makum te pita bulbule ria u grep e haharuei nena a raharaha pan tere Sunahan te tagala saluhena.

Revelesin 19:4

Ba u huol u maloto na tohats a tsunono na tohats a ka a töatöa e hopöe ria a peisaren i puta me hatsunoner e Sunahan te gum ien turu gumgum u göagono me poeier: “U mana koru! Aragi solosei e Sunahan!”

Revelesin 21:22

Na lia uma tare ii ta luman lotu iahana taun teka, taraha a Tsunono e Sunahan te tagala saluhena na Tunan Sipsip nori a luman lotu tara taun.

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.

Revelesin 4:4

Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.

Revelesin 4:6

I matana u gumgum u göagono e ka hasmei a ka te tara here ii u tasi bate here nei u galas u tara bubutu. Na tohats a ka a töatöa te ka mei u mata u parpara i mam na i murimuri e hahis hasi u gumgum u Göagono.

Revelesin 4:9

Ba te roron solosei ria nori a tohats a ka a töatöa teka e Sunahan bate hapane ren na e haniga has uaier i tanen, nonei te gum na turu gumgum u göagono, nonei te töatöa nitöana.

Revelesin 5:6

Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.

Revelesin 6:1

Alia u tara ba Tunan Sipsip te lukapena a töa tara tohit a kaan harokotokap. Ba lia e hengogu ba töa tara tohats a ka a töatöa te poeiena, “Lamuma,” u ranga i tanen e ling herenei u gururu.

Revelesin 6:6

Ba lia e hengoegu a ka te ling here ii u ranga i gusuna a ka a töatöa bate poeiena, “A töa wit beret e holeri a hihol turu töa u lan, na topisa bali beret e hol haseri a hihol turu töa u lan. Kaba alö goma kato homie ii u uapi na u uain.”

Revelesin 7:11

Ba u angelo hoboto e tuol hahiser u gumgum u göagono na u tsunono na tohats a ka a töatöa. Ba u angelo e hopöeria a peisaren i puta i matana u gumgum u göagono me hatsunoner e Sunahan me poeier: “U mana! A nisasaala na solo pan na niatei na nitsunono na nitagala, ena manka e Sunahan! A mamanaka e tatei haniga uaier i tanen bate hapane ren tara mamana pöata hoboto! U mana!”

Revelesin 7:15

Tara markato teka te tuol sila rien i matana u gumgum u göagono tere Sunahan, nori e soloseieren tara mamana pöata, tara lan na bong, iahana Luman Lotu Pan i tanen. Ba nonei te ka gono meranen bate tara kap ranen.