Revelesin 3:4 - U Bulunagana U Niga

⁴ “Kaba palair a mats katuun i tamilimiou i Saadis ema kato homiri. Nori e la gono meriou romana lia na nori ena haseier romana u hasobö u hiaka u gogoso koru. Taraha, nori e roron kato hanigar.

Revelesin 3:4 ပူးပေါင်းရင်းမြစ်များ

Matiu 10:11

“Na pöata te la mia limiou bate tasu mia iahana saha taun na saha han, alimiou e tara sakesake mou ta katuun ta niga bate kamia tara luma i tanen antunana tena kopis pouts muma limiou.

U Bulungana u Niga tere Iesu Kristo te kolotein e Mak 16:5

Pöata ti tasuien tara kioun mate ba nori e tarer a töa tson a hitots te kamei u hasobö u hiakan töa e gumia tara pal matou. Ba nori e asingotor me matout korur.

U Bulungana u Niga tere Iesu Kristo te kolotein e Luk 20:35

Kaba pal tson na touhaliou te haniga rena e Sunahan te tatei takei poutsur romana tara pöata i murimuri, nori ema hitölri romana.

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

2 Tesalonaika 1:5

A ka teka e haröto nena te ona hamatskö uana e Sunahan. Nonei e hanigeiena tego lu mena milimiou a kamits ba nonei te kato hamatskö ranou limiou na e kato haniga has ranou limiou ba limiou te ka uamiou tara Nipepeito i tanen.

U pas te kolotein e Jut 1:23

Ba limiou te luba has ramiou a palai te ka ria tara maroro tara nihahuna tere Sunahan, bate markato mera mien temar lu menari a tsi ruei te lu hatalis ba nari u tula. Na limiou go taatagi sil raiam a palai bate omie miou a markato a omi i taren. Alimiou go matout haseiam u hasobö u korkoriana i taren.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 14:4

Nori a pal tson u gogoso tima opö gono mei ta tahol. Nori u katuun u masura ti kukute a Tunan Sipsip tara mamana makum te la uaien. E Sunahan e sakahis ba raien u katuun hoboto i puta, na nori a hun katuun tutuun te lu pouts merai e Sunahan i tanen na tara Tunan Sipsip.

Revelesin 19:14

U soldia turu ami ri Kolö i kukuteien ne osa ria turu hos u hiaka ne haseier u hasobö u hiaka na u gogoso.

Revelesin 19:8

U hasobö te hiaka koruna na te gogosona i hale ii a tahol teka ego hasogeien.” U hasobö teka e haharuei nena a man markato a man niga turu katuun tere Sunahan.

Revelesin 3:18

Alia e ranga koru mera goulimiou, alimiou go hole mia ta goul i tar, a goul ti hagogoseia turu tula, ba limiou te töan ka memou a manka man niga hamana. Hol hase iam tu hasobö tu hiaka bate hasei kap nami u beloso i tamilimiou. Ba limiou te hol hase miou tu meresin i tar bate hake mien i matamilimiou, ba limiou te töan tara pouts mou.

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.

Revelesin 4:4

Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.

Revelesin 6:11

Ba nori hoboto e hala rari u hasobö u hiaka, ba nori e hatei rari tegi gamon hahaloso uaien, e antunana tega onotoia a man hahatoulana i taren na u katunun kui tere Iesu. Taraha, nori egi atung hamate hasir, ti kato has uu katuun teka ti mate mam.

Revelesin 7:9

I murina a ka teka alia u tari a katuun a parpara koru, e möa ta katuun tega antunan ase sabe raien. Nori i lama tara mamana han hoboto tara man hun katuun, na turu mamana u mar ranga. Nori e tuol ria i matana u gumgum u göagono tere Sunahan na i matana a Tunan Sipsip. Nori i kamei a man hasobö a man hiaka bate pile ner a man kalan kikia i limaren.