Revelesin 3:11 - U Bulunagana U Niga

¹¹ Alia e la boroboro guma romana, pile hakarapoto naiam a manka te ka memi limiou. U katuun u omi e namots luba rari limiou a manka a man niga te ngilin hala nena e Sunahan.

Revelesin 3:11 ပူးပေါင်းရင်းမြစ်များ

1 Korin 9:25

A katuun a hirhirata e tagala nena u ngil turu tuenrei i tanen tara mamanaka bate torohana silena a prais tena tia nou. Kaba a prais te piata sile rara ema antunan tia nei, e ka nitöana.

Pilipai 4:5

Alimiou go kato hatami mia turu katuun hoboto. A Tsunono e sukusukun kopis poutsnama.

2 Timoti 2:5

Na e kato has uana tara katuun te pipiatana turu resis, ega kukute hanigei a lo turu resis.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

Jemis 5:9

A matsi hahatoulana, alimiou goma ranga memi a raharaha te ranga mia limiou tara tana katuun, be Sunahan tema ona has ranoui limiou. Taraiam, a Tsonun Hamou e sukusukun tukuna, e tuol na i matana a tamana.

Revelesin 1:3

A katuun te ritena u raranga teka na u katuun has te hengoer a manka ti koloto naia turu rangan propet teka bate kukutie ren, egi sasaala. E hatei nena a manka te butu nou, na pöata e sukusuku nama te butu hamana noua a manka teka.

Revelesin 16:15

“Hengo iam! Alia e songotei la hasingoto guma romana. A katuun te kalatan töana ega sasaala. Alimiou go heremi a katuun te tara kap haniga nena u hasobö i tanen batema tatei beloso neia i matar u katuun.”

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 2:25

Kaba alimiou go pile hakarapoto naiam u nihamana na markato a niga te ka memi limiou e antunana tena kopis pouts guma lia romana.

Revelesin 22:12

“Hengo! Ema lehana noi balia te la guma. Alia ena la meguma romana a man hamatana balia temi mar hala hapopo has goua turu katuun hoboto timar kato uamen i puta.

Revelesin 22:20

E Iesu, te hatei nena te mana uana a manka teka, nonei e poeiena, “U mana koru, ema manasa noi ba lia te la guma romana!” U mana. Lama, o Iesu a Tsunono!

Revelesin 22:7

Be Iesu e poeiena, “Hengo! Ema lehana noi ba lia te la guma romana. U buku teka e hatei nena a manka te butu nou, na katuun te kukutena u raranga i tanen ega sasaala.”

Revelesin 3:3

Hakats kap tala naiam a manka ti hatuts rai limiou na u raranga tu hengoe iam limiou. Kukute iam bate tori tsuga namiou a man markato a man omi i tamilimiou. Esi tema tagule nou ii, alia ena la hasingoto here guma romana a kopkop ba limiou tema atei sile moi a saha mar pöata tena la guma lia romana.

Revelesin 4:10

Tara mamana pöata ti markato uaien teka, ba u huol u maloto na tohats a tsunono te hopöe ria a peisaren i puta i matana e Sunahan te töatöa nitöana ba nori te hatsunone ren. Nori i lapo naia u hatan tsunono i taren i matana u gumgum u göagono bate poeier, “O Tsunono i tamulam, O Sunahan, E matsköna tego ka menai lö a solo pan na nikapan na nitagala. Taraha? Alö tu habuti a mamanaka hoboto. Turu ngilngil i tamölö ti butu silaien bate kar.”

Revelesin 4:4

Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.