Revelesin 3:1 - U Bulunagana U Niga

¹ Nonei a katuun e ranga lel me poeiena, “Alö go koloto menai u raranga teka tara angelo tara hun katuun tere Kristo te ka ria i Saadis: “U ranga teka nonei u raranga tara katuun te ka mena u tohit u namnamei tere Sunahan na tohit a pitopito. “Alia e atei silegu a manka te katoe milimiou. Na lia e atei sil hasegu alimiou e hererami u katuun u mate, noahasina te pei menari u katuun, alimiou e töatöa miou.

Revelesin 3:1 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 15:24

Taraha? A pien tson i tar e here ii a katuun te mate, kaba e töatöa poutsuna. Nonei e tia me butu pouts nama.’ Ba nori e tanian nou talar me sasaalar.

U Bulungana u Niga tere Iesu Kristo te kolotein e Luk 15:32

Aragi sasaala bate masa korura. Taraha? E toulamölö e here ii a katuun te mate, kaba e töatöa poutsuna! Nonei e tia kaba e la poutsuma!’”

U Bulungana u Niga tere Iesu Kristo te kolotein e Jon 1:16

Na tara nihitaguhu pan i tanen nonei e haniga ranou ra na e hala has ranei ra a nisasaala pan tema tatei kapa nei.

U Bulungana u Niga tere Iesu Kristo te kolotein e Jon 1:33

Alia uma atei silei esi koru nonei e Mesaia. Kaba e Sunahan, te hala namou lia tegomi baptais merai lia u katuun u ramun, nonei e poei i tar, ‘Alö ena tare mou u Namnamei tere Sunahan e koul nama romana batemi tö na tara töa katuun. Nonei a katuun teka tena baptais nanou u Namnamei u Göagono.’”

U Bulungana u Niga tere Iesu Kristo te kolotein e Jon 20:22

Nonei e mar ranga hakapa uu teka ba nonei e pihu uana i tamulam me poeiena, “Lueiam u Namnamei u Göagono.

U Bulungana u Niga tere Iesu Kristo te kolotein e Jon 3:34

E Sunahan te haleiema a katuun teka ba nonei emi hatei nena u raranga tere Sunahan. Na nonei e saputu mena u Namnamei u Göagono te hala nenama e Sunahan i tanen.

Aposol 2:33

Na nonei e la hakapa uu iasa mena gumna i rehina e Sunahan, be Sunahan e hale neien u Namnamei u Göagono te ranga mam naien i manasa. Na, a ka te tare milimiou na te hengoe milimiou nonei u Namnamei teka te hala rameien lam.

Epesis 2:1

I manasa alimiou i hipusiam bate katoe miou a mamana a markato a omi, nonei te kato hamate raiou limiou.

Kolosi 2:13

I manasa alimiou u ka halhal ba naiam a nitöatöa tere Sunahan, taraha alimiou u katuun u omi na limiou u ka mia ielesala tara Lo tere Sunahan. Kaba i romana e Sunahan e hala gono me ranei limiou na e Kristo a nitöatöa a mana. Nonei e luban a mamana markato a omi hoboto i tarara.

1 Timoti 5:6

Kaba a amoaba te kukutiena u mamana u ngilngil turu tuenrei i tanen e here nei a tahol a mate, noahasina te töatöa noa uanen.

Jemis 2:26

Alimiou e atei silemiou a tuenrei na katuun e matena te ka halhal ba mena neien u namnamei i tanen. Na e kato has uana iesana tara nihamana na markato. A katuun te poeiena nonei e hamana hanigana kaba nonei ema kato haniga nei, u nihamana i tanen e la papala tununa.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.

U pas te kolotein e Jut 1:12

U katuun teka e kato homi here rari limiou, a ka a korkoriana te kato homiena u hasobö. Pöata te gono hoboto sile mia limiou a kannou bate haröto has nemiou te hiangilngil uami limiou, nori emi nou gono has mera riou limiou. Ba nori te hirata pinopinor bate hakats peisa has ner a peisaren. Nori e here rari u köasi u ruruhana te möa ta langits te söata ba nena a lomolomo. U köasi teka ema taguhe nei a manka ni puta, na u katuun has teka e mastein hihatutsur. Kaba nori e here haseri a ruei tema mala huari tara pöatan hua na tara mamana pöata. U ruei tema mala hua nei e kaho ba ner, bate lango nitöana. Na u katuun has teka ema habuteri ta markato tega taguhir u katuun.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 1:16

Tara pal matou i tanen nonei e pilein a tohit a pitopito. Na u töa u kilatan hiatatung te nou hihapala e lakasama i rungunen. Na matanen e here ii a pitala te piri hatagala koruna tara söasa.

Revelesin 1:20

Na nonei teka temar mouna uana a tohit a pitopito te tare mula lö tara pal matou i limar, na temar mouna has uana u tohit u lam u goul: na tohit a pitopito nori u tson pepeito kap tara tohit a hun katuun tere Kristo, na u tohit u lam nori a tohit a hun katuun teka.”

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 2:19

Alia e atei silegu a manka te katoe milimiou, na te ngil mera milimiou u katuun, na te hamana noahas mena milimiou alia. Alia e atei sil hasegu alimiou e taguhu ramiou a palair u katuun batema hapolase mi te kukute mena milimiou alia. Na manka te katoe milimiou i romana e niga bala nena a manka tu kato mameiam limiou.

Revelesin 2:2

Alia e atei silegu a manka te katoe milimiou. Alimiou e roron kui hahalongolo tuun las miou batema hapolase mi a nikukui a niga i tamilimiou. Alia e atei sil hasegu alimiou ema ngil koru rami u katuun u omi. Alimiou u torohana hakapa raiam u katuun te poeier nori u aposol kaba nori ema aposol hamanari, ba limiou te sabe tale miou nori e gamor.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 3:15

“Alia e atei silegu a manka te katoe milimiou, alimiou ema hiski mi na ema bout mi. Alia e ngilegu alimiou go bout iam tsi alimiou go hiski iam.

Revelesin 3:2

Kalataiam, bate kato hatagale miou a tsi pala te ka noana te katsin mate patuna. Alia u sabe a manka tu katoeiam limiou ema antuna neia turu ngilngil tere Sunahan.

Revelesin 3:8

“Alia e atei silegu a manka te katoe milimiou. Tara! Alia e kalata be ragulei limiou a tamana, e möa ta katuun tega antunan hapilie ien. Alia e atei silegu alimiou e ka memiou a tsi tabubun nitagala tuun, kaba limiou e kukute noa hase miou u hihatuts i tar na limiou ema holis nami a solor.

Revelesin 4:5

U kanaha e butuma turu gumgum u göagono tere Sunahan, na u gururu na man tana manka e olongo hasima. Na u tohit u bito i kulupuia i matana u gumgum u göagono. Nori u tohit u namnamei tere Sunahan.

Revelesin 5:6

Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.