Revelesin 22:20 - U Bulunagana U Niga

²⁰ E Iesu, te hatei nena te mana uana a manka teka, nonei e poeiena, “U mana koru, ema manasa noi ba lia te la guma romana!” U mana. Lama, o Iesu a Tsunono!

Revelesin 22:20 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 21:25

Kaba e Iesu e kato hasi a man palaina a manka a man parpara. Na sanena a manka teka gi koloto hakapa hoboter, ba han i puta teka te moa nou ta makum tegi haka raia a man buku teka.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Hibru 10:37

Taraha, u Buku u Göagono e poeiena: “Ema pina noi ba katuun tego lama tena la nama romana. Nonei ema hamokomoko namei romana.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Revelesin 2:16

Alimiou go tori tsuga naiam a manka teka. Te möa nen, alia ena la hasesei guma romana i tamilimiou ba lia te atung ragien u raranga i tar te here nei u kilatan hiatatung.

Revelesin 22:10

Ba nonei e pei hasena i tar, “Alö goma hamouse ii u raranga turu buku teka te hatei nena a manka te butuna romana. Taraha? A pöata te butu hamana noien e sukusuku nama.

Revelesin 22:12

“Hengo! Ema lehana noi balia te la guma. Alia ena la meguma romana a man hamatana balia temi mar hala hapopo has goua turu katuun hoboto timar kato uamen i puta.

Revelesin 22:18

Alia e ranga hatagala gia turu katuun hoboto te hengoer u raranga turu buku teka te hatei nena a manka te butuna romana: te haponena romana ta katuun tu tana tu raranga turu raranga teka, be Sunahan te hala hase neien romana a man niomi te hatei nena u buku teka.

Revelesin 22:7

Be Iesu e poeiena, “Hengo! Ema lehana noi ba lia te la guma romana. U buku teka e hatei nena a manka te butu nou, na katuun te kukutena u raranga i tanen ega sasaala.”