Revelesin 22:19 - U Bulunagana U Niga

¹⁹ Na te luba nena romana ta katuun tu raranga turu buku teka, be Sunahan te luba has nena romana a tsi makum i tanen turu rueina tara nitöatöa na tara Taun a Göagono, te hatei nena u buku teka.

Revelesin 22:19 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 11:52

Be Iesu e poeiena, “A nomi e butu noa i tamilimiou u tson hihatuts tara Lo. Alimiou e rama namiou a maroro tega kalati a niatei hamana tere Sunahan. Alimiou ema lu bemi a peisamiou a niatei teka, na limiou e hapiou has ramiou u katuun te ngilin lue ren!”

Revelesin 1:3

A katuun te ritena u raranga teka na u katuun has te hengoer a manka ti koloto naia turu rangan propet teka bate kukutie ren, egi sasaala. E hatei nena a manka te butu nou, na pöata e sukusuku nama te butu hamana noua a manka teka.

Revelesin 11:2

Kaba, möa tuna tunei a makumun oho ielesala. Taraha? Nonei i hala hakapa naia turu katuun tema hamanari. Nori e tötö homier romana a Taun a Göagono e antunana turu tohats u maloto na huol a tsihou.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”

Revelesin 2:11

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A hahuoluna a tou mate ema antunan kato homie noi a katuun te tagala saluhena.”

Revelesin 2:26

“A katuun te tagala saluhena bate hengo haniga nitöa nena u raranga i tar e antunana te kapana a pöata i tanen, alia e hale goien a mar nitsunono tu lue malia tere Tamar. Alia e hala hase goien a nitsunono tego tsunono hatagala hoboto menaien a man han i puta bate here noua a aien te buteiena a tabeli,

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

Revelesin 21:2

Ba lia e taregu a Taun a Göagono, a Jerusalem a tsimus, bate koul nama i Kolö te kana e Sunahan. Nonei e tara haniga here ii a tahol te hitöl mena a tson i tanen bate haseiena a man hasobö a man niga.

Revelesin 21:5

Be Sunahan te gum ia turu gumgum u göagono e poeiena, “Alia e kato hatsimusegu a mamanaka.” Ba nonei e pei hasena i tar, “Alö go kolotein a manka teka. U ranga teka e manana na egi hamani.”

Revelesin 22:12

“Hengo! Ema lehana noi balia te la guma. Alia ena la meguma romana a man hamatana balia temi mar hala hapopo has goua turu katuun hoboto timar kato uamen i puta.

Revelesin 22:2

Nonei e olo silaia i gusuna kalana tara taun a tsimus i Jerusalem. Na a huol a harerehina a ramun e kaia a man rueina tara nitöatöa ti roron hua mei a maloto na huol a pöata turu töa u hiningal. Na man kalaren i kato haniga pouts rai a man hun katuun.

Revelesin 22:7

Be Iesu e poeiena, “Hengo! Ema lehana noi ba lia te la guma romana. U buku teka e hatei nena a manka te butu nou, na katuun te kukutena u raranga i tanen ega sasaala.”

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.