Revelesin 22:18 - U Bulunagana U Niga

¹⁸ Alia e ranga hatagala gia turu katuun hoboto te hengoer u raranga turu buku teka te hatei nena a manka te butuna romana: te haponena romana ta katuun tu tana tu raranga turu raranga teka, be Sunahan te hala hase neien romana a man niomi te hatei nena u buku teka.

Revelesin 22:18 ပူးပေါင်းရင်းမြစ်များ

Matiu 15:13

Be Iesu e poeiena, “Noahasina. U katuun teka e hereri u pulung u omi te ka ria tara kui tere Tamar. Nonei e pate baba ranoen.

Epesis 4:17

Na tara solona a Tsunono alia e hatei ragi limiou a ka teka, na lia e ranga hatagala koru nagien i tamilimiou. Alimiou goma marka lel uami te markato uaier u katuun tema hamanari.

1 Tesalonaika 4:6

Alimiou goma kato homi uami teka bate kato homie miou a tana katuun. E möa. Alam u hatei hakapa railimiou, a Tsunono e hahuna rena romana u katuun te markato uar teka.

Revelesin 1:3

A katuun te ritena u raranga teka na u katuun has te hengoer a manka ti koloto naia turu rangan propet teka bate kukutie ren, egi sasaala. E hatei nena a manka te butu nou, na pöata e sukusuku nama te butu hamana noua a manka teka.

Revelesin 15:1

Ba lia e taregu u tana u hiharöto pan i Kolö: nonei a tohit a angelo ti ka mei a nitagala tegi hala menaien a tohit a niomi i puta, a kapakapa tara man niomi. Taraha, nori e hakape riou a raharaha tere Sunahan.

Revelesin 15:6

Ba tohit a angelona tara tohit a niomi e lakasa rima tara Luman Lotu Pan. U hasobö i taren e hiaka na e gogoso nitöa. Na man sasaaherö a man goul e hahisi a man lumlumaren.

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Revelesin 20:15

Ba u katuun a soloren tima koloto rai turu bukuna tara nitöatöa e lapo raria iahana kiou te saputi u tula.

Revelesin 22:10

Ba nonei e pei hasena i tar, “Alö goma hamouse ii u raranga turu buku teka te hatei nena a manka te butuna romana. Taraha? A pöata te butu hamana noien e sukusuku nama.

Revelesin 22:16

Be Iesu e poeiena, “Alia u haleiema a angelo i tar i tamölö tegana hatei menaien a hun katuun i tar a mamanaka hoboto teka. Alia e tubuna e Devit, na lia e hatubuna has gia i tanen. Alia a Tounlan te alesala hapanina.”

Revelesin 22:7

Be Iesu e poeiena, “Hengo! Ema lehana noi ba lia te la guma romana. U buku teka e hatei nena a manka te butu nou, na katuun te kukutena u raranga i tanen ega sasaala.”

Revelesin 22:9

Ba nonei e poeiena i tar, “Alö goma markato uai teka! Alia has a katunun kui tere Iesu, alia na lö na man hahatoulana i tamölö u propet, na pala hoboto te hengoeier u raranga turu buku teka. Ara hoboto u katunun kui tere Iesu. Alö go hatsunoni e Sunahan!”

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.