Revelesin 21:8 - U Bulunagana U Niga

⁸ Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 21:8 ပူးပေါင်းရင်းမြစ်များ

Matiu 10:28

Na limiou goma matout rami u katuun te atung hamateier u tuenrei, nori ema atung hamatieri u namnamei. Kaba limiou go matouteiam e Sunahan, nonei te antunan kato homi nitoeiena u tuenrei na u namnamei i hel.

Matiu 25:25

Alia u matout ba lia ena hamouse gia a moni i tamölö turu tsiktsiki. Tara! A moni i tamölö teka.’

Matiu 8:26

Ba nonei e poeiena i taren, “U nihamana i tamilimiou e tetenei koruna! Aha te matout memilimiou?” Ba nonei e takeina me abis hatagalena a lomolomo ba ramun e selohona. Ba lomolomo e hanöana, ba ramun e maraha poutsuna.

U Bulungana u Niga tere Iesu Kristo te kolotein e Mak 9:44

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

2 Tesalonaika 2:9

Kaba i mam, a katuun a omi teka e la gono menama romana a nitagala tere Satan, batemi katoe nou u mamana u mar mirakol na u hiharöts u gamogamo.

1 Timoti 4:2

U hihatuts teka e la nama romana turu ranga u gamo turu katuun u gamogamo tema matsingolo lel meri a ka a omi.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Hibru 12:24

Alimiou u la uamuma tere Iesu, nonei te kits gono meraira na e Sunahan u rangan haniga u tsimus. Alimiou u la uamuma turu rahatsing i tanen te tatsihasa sil raioura me hala nena a nihitaguhu, te niga bala nena a ka te rangein u rahatsing tere Ebol.

Hibru 13:4

Alimiou hoboto ego hagöagoneiam a markatona tara hitöl bate hiahamhamana namiou a peisa milimiou. A tson na tahol egima sake lel lanai ta taina ta tahol tsi ta taina ta tson gi soho gono meien. Taraha e Sunahan e hahunei nou a tson na tahol temar kato uaier teka.

1 Jon 2:22

Na a katuun te poeiena e Iesu ema Kristo nei te hopö kapiin e Sunahan, nonei a katuun a gamogamo koru. A katuun te tori tsuga nena e Tamarara na e Iesu a Pien Tson i tanen, nonei a katuun teka te korupakö nena e Kristo.

1 Jon 3:15

A katuun te paköeiena u toulanen e here nei a katuun a hihipuli. Na alimiou e atei silemiou a nitöatöa te ka nitöana ema ka neia tara katuun a hihipuli.

1 Jon 5:10

A katuun te hamanana tara Pien Tson tere Sunahan e atei haniga silena te mana uana u raranga teka. Kaba a katuun te hahamana nena e Sunahan nonei a katuun te poeiena, “E Sunahan a katuun a gamogamo.” Taraha, nonei e hahamana nena a ka te ranga benei e Sunahan a Pien Tson i tanen.

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Revelesin 2:11

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A hahuoluna a tou mate ema antunan kato homie noi a katuun te tagala saluhena.”

Revelesin 2:2

Alia e atei silegu a manka te katoe milimiou. Alimiou e roron kui hahalongolo tuun las miou batema hapolase mi a nikukui a niga i tamilimiou. Alia e atei sil hasegu alimiou ema ngil koru rami u katuun u omi. Alimiou u torohana hakapa raiam u katuun te poeier nori u aposol kaba nori ema aposol hamanari, ba limiou te sabe tale miou nori e gamor.

Revelesin 21:27

Kaba a katuun a katokato homi na gamogamo tsi ta töa ta ka ta omi ema antunan tasu noi romana. U katuun peisa a soloren ti koloto hakapa raia iahana u bukuna tara nitöatöa tara Tunan Sipsip te tatei tasu riou.

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

Revelesin 9:17

Turu hiharöto teka tu tareia lia, u hos na u katuun ti osaia i taren i markato uu teka: U katuun i ka mei u kaan hatukap i lumlumaren, palai i rörö na palai i bibil na palai u ngöngöana. U bakur u hos i here rai u bakur u laion, ba u tula na u ruhu na u hatu u ahiin e butu rima i rungren.

Revelesin 9:21

Na nori ima tori tsuga ba has nai a markato tara hipuli na matuna na tsikolo na kop.