Revelesin 21:27 - U Bulunagana U Niga

²⁷ Kaba a katuun a katokato homi na gamogamo tsi ta töa ta ka ta omi ema antunan tasu noi romana. U katuun peisa a soloren ti koloto hakapa raia iahana u bukuna tara nitöatöa tara Tunan Sipsip te tatei tasu riou.

Revelesin 21:27 ပူးပေါင်းရင်းမြစ်များ

Matiu 13:41

Alia tu butun Katunuma e hala raguma romana u angelo i tar, ba nori temi luer romana a mamana katuun te roron kato homir na u katuun has te tuke rer a palai bate kato homir, bate luba raria romana tara Nipepeito i tar.

U Bulungana u Niga tere Iesu Kristo te kolotein e Mak 7:2

Ba nori e tara raier a palair u katunun tsitsilo i tanen ti nou mei u lima u tabuna galus.

U Bulungana u Niga tere Iesu Kristo te kolotein e Luk 10:20

Kaba alimiou goma sasaala memi u liliahanei u omi te hengo mera ri ien limiou. Alimiou go sasaala meiam a solomilimiou i koloto hakapa naia i Kolö.”

Epesis 5:5

Alimiou go atei sil hanigeiam a ka teka, a mar katuun teka ema tatei lu korue nei romana ta töa ta makum tara Nipepeito tere Kristo na tere Sunahan: a katuun a tsiktsikolo na katuun te hirata homina na katuun te mamangil nena a mamanaka. A katuun te mamangil nena a mamanaka e omi here nei a katuun te hatsunonena a got gamogamo.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

Hibru 12:14

Alimiou go torohana hatagala sileiam tego ka haniga gono mera milimiou u katuun hoboto. Taraha, a katuun tema göagono nei ema antunan tara nanei a Tsunono.

2 Pita 3:13

Kaba ara e hahalosera u kolö na u puta u tsimus te ranga hamanein e Sunahan, a han te ka noua romana a markato a matskö peisa.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.

Revelesin 20:15

Ba u katuun a soloren tima koloto rai turu bukuna tara nitöatöa e lapo raria iahana kiou te saputi u tula.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.