Revelesin 20:4 - U Bulunagana U Niga

⁴ Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 20:4 ပူးပေါင်းရင်းမြစ်များ

Matiu 19:28

Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.

Matiu 24:10

U katuun u parpara koru e hapolaser romana u nihamana i taren. Nori e hala mera roi a palai turu katuun te pakö raren batena hia o omi pouts hasir romana.

U Bulungana u Niga tere Iesu Kristo te kolotein e Mak 6:16

A pöata te hengoneia e Herot a manka te katoe e Iesu ba nonei e poeiena, “Nonei e Jon ti ngats pagoti lia e töatöa pouts lelima.”

U Bulungana u Niga tere Iesu Kristo te kolotein e Mak 6:27

Ba nonei e tahuleiena a töa tsonun taratarakap turu soldia egona söatema a bakuna e Jon. Ba tsonun taratarakap teka e lauana tara luman karabus mena ngats pagotena a bakuna e Jon.

U Bulungana u Niga tere Iesu Kristo te kolotein e Mak 9:11

Ba nori e rangateier e Iesu, “E hana bu tson hihatuts tara Lo te poeier e Ilaitsa ega mam nema romana e Mesaia?”

U Bulungana u Niga tere Iesu Kristo te kolotein e Luk 1:17

Ba nonei te mam nanou romana a Tsunono bate ka menou a markato na nitagala te ka mei e Ilaitsa a propet. Na nonei ena nolo pouts ranou a man munmun tamana, bate habirits ranou u katuun u hihipus ba nori te töan hakats hanigar temar hakats uaier u katuun u niga. Na nonei e kato hamatskö ranou romana u katuun i mam tegona lama a Tsunono, ba nori te hahalose rouen.” A angelo e mar ranga uu teka.

U Bulungana u Niga tere Iesu Kristo te kolotein e Luk 14:14

Ba lö te sasaalam romana. Nori ema antunan hamatana poutse roui lö romana. Kaba e Sunahan e hamatane nou lö romana tara pöata te takei pouts ria u katuun u niga tara tou mate.”

U Bulungana u Niga tere Iesu Kristo te kolotein e Luk 22:30

Alimiou ena nou mou nena ua gono memou lia tara kannou tara Nipepeito i tar, ba limiou tena gum mia romana tara man gumgum a man göagono turu king, ba limiou te tsonun onuna moua romana tara maloto na huol a hun katunura i Israel.”

U Bulungana u Niga tere Iesu Kristo te kolotein e Jon 14:19

Ema lehana noi ba u katunura i puta tema tara lele roi lia, kaba limiou e tare moulia. Taraha, alia ena töatöa pouts gou romana ba limiou te töatöa has mou.

U pas te koloto menai e Pol turu kristenira i Rom 11:15

Pöata te rama raia e Sunahan u Jiu, nonei e aroho uu tara palair u katunura i puta me kapiena ranen. Kaba tara pöata te lu pouts ranouen u Jiu, ba nori te here koru roi u katuun ti mate be töatöa poutsur.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

2 Timoti 2:12

Te tuol hakarapoto nitöa roua ra, a ra ena tsunono gono has merouen. Kaba te holis narouen ra, ba nonei tena holis has ranou ra romana.

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 11:11

Kaba i murina u topisa na hapala u lan, e Sunahan e pihu hatöatöa ranoen ba nori te taker. Ba u katuun hoboto te tara raren romana bate matout korur.

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 11:3

Na lia e hale goi a huol a tson hahatei i tar a nitagala te hahatei menaroien u raranga tere Sunahan, e antuna noa turu 1,260 u lan. Ba nori te hasoge riou u hasobön mo.”

Revelesin 11:7

Pöata te hatei hakapa narouien u ranga, ba ka a omi te butu nama iahana kiou te möa ta nönöanen te hiatatung mera nen romana. Ba nonei te tagala saluhe ranen romana bate atung hamate ranen.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 14:11

U ruhu turu tula te hakamits ranouen e la sei nitöa nou, nema tatei kapa nei. E möa koru ta pöata tego ski tara lan na bong turu nihahuna i taren, nori u katuun ti hatsunoni a ka a töatöa na u kesa i tanen na nori ti lui a hatöatongo tara solonen.”

Revelesin 15:2

Ba lia e taregu a ka te tara here ii u tasi, ne here hase ii u galas ti sohale ii u tula. Na lia u tara hasi u katuun ti tagala saluheia tara ka a omi a töatöa na turu kesa i tanen na turu hihase tara solonen. Nori i tuol ia i rehina u tasi te here ii u galas bate pile ner a man hap te hala raien e Sunahan.

Revelesin 17:8

A ka omi te tare mula lö e töatöa i manasa kaba ema töatöa lel nei. Nonei e katsin lakasa nama tara kiou te möa ta nönöanen ba nonei tena taia lel nou. Ba u katuun te ka roua i puta te asingoto hoboto riou te tara mena roien a ka teka, nori u katuun tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nori e asingoto nariou a ka a omi te töatöa i manasa kaba ema töatöa lel nei, kaba nonei e butu lel nou romana.

Revelesin 2:26

“A katuun te tagala saluhena bate hengo haniga nitöa nena u raranga i tar e antunana te kapana a pöata i tanen, alia e hale goien a mar nitsunono tu lue malia tere Tamar. Alia e hala hase goien a nitsunono tego tsunono hatagala hoboto menaien a man han i puta bate here noua a aien te buteiena a tabeli,

Revelesin 20:6

U katuun te takei pouts roua tara pöata tutuun teka e sasaala koru riou bate möar ta ka ta omi i taren. A hahuoluna tou mate ema tatei kato homi ranoui u katuun teka. Nori ena pris roua tere Sunahan na tere Kristo, na nori e tsunono gono has merouen antunana turu 1,000 u hiningal.

Revelesin 22:5

E möa lel nou ta bong, na nori ema ngil lele roi tu lam na ta pitala. A Tsunono e Sunahan nonei u ualesala i taren. Ba nori te tsunono riou tara mamana pöata i murimuri.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.

Revelesin 4:4

Na u huol u maloto na u tohats u gumgum u göagono i gum hahisi u gumgum u göagono tere Sunahan, na u huol u maloto na tohats tara pal kapan i gum ia tara man gumgum teka. U hasobö i taren e hiaka na nori i ka has mei u hatan tsunono u goul i bakuren.

Revelesin 6:9

Ba Tunan Sipsip e lukapena a hatolimana kaan harokotokap. Ba lia e taregu a man namnamei turu katuun i kopina a makumun haats tara Luman Lotu Pan. U katuun teka i atung hamate merai ti hamana uaien turu raranga tere Sunahan, na ti hatei menaien e Sunahan.

Revelesin 7:3

Ba angelo teka e poeiena, “Alimiou goma kato homiemi u tsiktsiki tsi u tasi tsi a ruei e antunana te titi hakapa mera moi lö a poler u katunun kui tere Sunahan.”