Revelesin 2:7 - U Bulunagana U Niga

⁷ “Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

Revelesin 2:7 ပူးပေါင်းရင်းမြစ်များ

Matiu 11:15

Esi te kamena u talinga ega hengo!

Matiu 13:43

Ba u katuun u matskö te alesala hereri romana a pitala tara Nipepeito tere Tamaren. Na lö a katuun te ka mem u talinga alö go hengo haniga!”

Matiu 13:9

Be Iesu e poeiena, “Esi te kamena u talinga ega hengo.”

U Bulungana u Niga tere Iesu Kristo te kolotein e Mak 4:9

Be Iesu e poeiena, “A katuun te atein hengona ega hengo haniga.”

U Bulungana u Niga tere Iesu Kristo te kolotein e Mak 7:15

E möa ta ka ta omi ielesala tara katuun tega antunan kato homi a katuun, kaba a ka te lakasa nama tara torina a katuun, nonei te kato homie nou lö.”

U Bulungana u Niga tere Iesu Kristo te kolotein e Mak 7:16

U Bulungana u Niga tere Iesu Kristo te kolotein e Luk 23:43

Be Iesu e poeiena i tanen, “Alia e ranga hamana megou lö, i romana tuun has, alö ena ka gono memoua lia i Kolö.”

U Bulungana u Niga tere Iesu Kristo te kolotein e Luk 8:8

Na palair u ngal i pururukuia turu tsiktsiki u niga. Ba nori e pusuku hapanir me hua korur.” Be Iesu e ranga hapanina me poeiena, “A katuun te ka mena u talinga te atein hengona ega hengo!”

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

1 Korin 2:10

A mamanaka teka e Sunahan e haröto sila raien ra turu Namnamei i tanen. Taraha u Namnamei e tara sabiena a mamanaka tara mamana makum na e tara sabe hasena a mouna a manka tere Sunahan te mousuna.

2 Korin 12:4

Alia u hengoema a manka man kapan koru tema antunan hatei nari turu mar ranga turu katuun, a manka man göagono tema tatei haröto naria i puta.

1 Jon 2:13

Na lia e koloto uagu i tamilimiou, a pal kapan, taraha alimiou e atei silemiou e Iesu te kaia i mam te habuteia e Sunahan u kolö na u puta. Na lia e koloto uagu i tamilimiou, a pal hitots, taraha alimiou u la salsaluhe hakapeiam e Satan.

Revelesin 13:9

Esi te ka mena u talinga ega hengo hanige a ka teka: “U katuun te hopö kapir e Sunahan tegi kitsir, nori ena kits hamana rariou. Na u katuun te hopö kapir e Sunahan tegi ngats hamatir romana, nori ena mar mate noahas uariou teka.” Na ka teka e poeiena, u katuun tere Sunahan egi pile hakarapotein u nihamana i taren.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”

Revelesin 15:2

Ba lia e taregu a ka te tara here ii u tasi, ne here hase ii u galas ti sohale ii u tula. Na lia u tara hasi u katuun ti tagala saluheia tara ka a omi a töatöa na turu kesa i tanen na turu hihase tara solonen. Nori i tuol ia i rehina u tasi te here ii u galas bate pile ner a man hap te hala raien e Sunahan.

Revelesin 2:11

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A hahuoluna a tou mate ema antunan kato homie noi a katuun te tagala saluhena.”

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

Revelesin 21:7

A katuun te tagala saluhena romana e lue nou a manka teka. Na alia e Sunahan uagou i tanen ba nonei te pien uanou i tar.

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.

Revelesin 22:17

U Namnamei tere Sunahan e poeiena, “Lama!” Na hun katuun tere Iesu te hereri a tahol te katsin hitöluna e poeier, “Lama!” Na esi te hengoena a ka teka ega pei hasi, “Lama!” La muma, u katuun hoboto te makar. Eresi te ngilin uar emi tatei ueier u ramununa tara nitöatöa te möa ta hihol.

Revelesin 22:2

Nonei e olo silaia i gusuna kalana tara taun a tsimus i Jerusalem. Na a huol a harerehina a ramun e kaia a man rueina tara nitöatöa ti roron hua mei a maloto na huol a pöata turu töa u hiningal. Na man kalaren i kato haniga pouts rai a man hun katuun.