Revelesin 2:3 - U Bulunagana U Niga

³ Alia e atei sil hasegu alimiou e sagohe miou a kamits bate tuol hakakamoto sile miou te hamana uamia limiou i tar. Kaba limiou e tagala sil noa hase moulia batema karous mi.

Revelesin 2:3 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Mak 15:21

Nori i tupali a töa toun Sairini, a solonen e Saimon e tamar ere Aleksenda mere Rupas. Ba nori e lue ren me hatöerien a kuruse tere Iesu.

U Bulungana u Niga tere Iesu Kristo te kolotein e Luk 14:27

Esi tema antunan söata nanei a kuruse i tanen ema antunan katunun tsitsilo uanei i tar.

U Bulungana u Niga tere Iesu Kristo te kolotein e Luk 18:1

Be Iesu e hatei ranei u katunun tsitsilo u haharuei teka, u hihatutsuna tegi singo nitöa uaien tere Sunahan batema sökanari.

U Bulungana u Niga tere Iesu Kristo te kolotein e Luk 21:19

Alimiou go tuol hakarapoto sile iam a Tsunono ba nonei te lu pouts ranou limiou romana.”

U Bulungana u Niga tere Iesu Kristo te kolotein e Luk 5:5

Be Saimon e ranga palisina, “O Tsunono, alam e hagala halan mula, kaba lam ema soohe mulei ta ka. Kaba turu ranga i tamölö ba lia te hakoule gou u abe.”

U Bulungana u Niga tere Iesu Kristo te kolotein e Luk 8:15

Ba man ngal ti pururukuia turu tsiktsiki u niga e hatei nena a pala te hengoer u ranga bate hake rien turu hakhakats u niga i toriren, ba nori te pile kap hakarapoto naren. Ba u raranga te kato hanigeiena a markato turu katuun teka.”

U Bulungana u Niga tere Iesu Kristo te kolotein e Jon 15:21

Kaba nori e kato sila naroua a manka teka tara solor te söate milimiou, taraha nori ema atei sileri e Sunahan te tula na moulia.

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 16:12

Na lia e haniga has uagu tere Traipina mere Traiposa, te kukui ber a Tsunono, na tere Pesis a tsomi i tar te kui hapara koru has bei a Tsunono.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 8:25

Kaba te hamana sile rara a ka tema tara noe rira, ba ra te hahaloso haniga nitöara batema tatei sökana rei.

1 Korin 13:7

U ngil e tagala silena mamanaka, noahasina tara saha ka te butuna. E hamanena mamanaka bate hamana silena tego butu hamana uaien romana, na ema tatei sökana has nei.

1 Korin 16:16

Alia e ranga hatagala meragou limiou go kui gono meraiam u mar katuun teka na palai hasir u katuun te kui gono mera ren.

2 Korin 10:15

Na lam ema ranga sesei heremi alam tu kati a toukui te kato a taina katuun. E möa. U pannen u ngil i tamulam e markato uana teka, te pan susul hatagala noua u nihamana i tamilimiou ba makumun kui i tamulam te tataabala susul has nou.

2 Korin 11:23

Nori u katunun kui tere Kristo? Bara, alia e ranga heregi a katuun a tutu. Ga lia a katunun kui te niga bala ragen. Tara, alia u kui hatagala bala raien na lia u ka haparaia tara karabus. Alia i singateiou a para pöata, na u roron mate karasa has.

2 Korin 4:1

Te markato tala uanen teka, te hala raialam e Sunahan a toukui teka tara nitaatagi i tanen, alam ema sökana namien. E möa.

2 Korin 4:16

Pöata te hakats na mia lam a manka teka, alam ema sökanami bate hakapam. E möa. E manana, u tuenrei i tamulam e la puta susuluna, kaba u namnamei i tamulam e hatsimus kakap nitöa naier turu mamana u lan.

2 Korin 5:9

Kaba noahasina te ka mia lam tara han i puta teka tsi tara han iasa, alam e torohana hatagala sil noa hasem tego kato hasasaala mei a Tsunono.

2 Korin 6:5

Nori i singata raiou lam, na i karabus raiou lam, na i hiagetageta me torohanan kato homi rariou lam. Alam u kui hatagala koru me kalata halanim me mate has mem a bes.

Galesia 6:2

Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Galesia 6:9

Nonei tegima karous beira tegi kato menaira a markato a niga. Te katon töa naroara a markato a niga, ba ta töa ta pöata bara te lue rou u hamatana u niga tara toukui i tarara.

Pilipai 2:16

Hala rami u rarangana tara nitöatöa. Te markato uamou limiou teka, ba lia te haniga koru ragou limiou turu Lan Pan tere Kristo. Taraha, nonei a manka teka e haröto nanou alia uma kui hatagala papalai.

Pilipai 4:3

Na lia e rangate goulö ti ron kui gono meiou lia, alia e ngilegu alö go taguhir a huol a tahol teka. Taraha, nori i kui hatagala koru me ti hahatei lamenien u Bulungana u Niga, nori mere Klemen na palair a man hahikapien hoboto i tar ti kui gono meioulia, na man solo i taren e kana turu bukuna tara nitöatöa.

Kolosi 1:11

E Sunahan e tatei kato hatagala ranou limiou e antunana tara nitagala pan i tanen, ba limiou te sasaala memiou tego kato nitöa menami u ngilngil i tanen bate niga mia i tanen.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

1 Tesalonaika 2:9

A matsi hahatoulana, hakats kap naiam alam i kuin moni hatagala koru mei a lan na bong. Alam uma ngilin hala railimiou ta nitiama tara pöata tu habulungana nailam u Bulungana U Niga tere Kristo i tamilimiou.

1 Tesalonaika 5:12

Kaba lam e hatei ramou limiou a matsi hahatoulana, hapan raiam a pal kapan i tamilimiou. A Tsunono e hopö kap raien tegi hatuts meraien limiou na tegi haröto meraien limiou a maroro a niga.

2 Tesalonaika 3:13

A matsi hahatoulana, alimiou goma sökana memi te kato haniga uami limiou.

2 Tesalonaika 3:5

A Tsunono e tatei hantuna ranou limiou ba limiou te atei silemiou ime temar ngil koru mera nei e Sunahan alimiou, ba limiou te kato noahas uamiou te kato uana e Kristo batema hanöa moi.

2 Tesalonaika 3:8

Alam u hol peisa a kannou hoboto i tamulam. Alam u kuin moni hatagala koru mei a lan na bong. Taraha, alam uma ngilei ta töa i tamilimiou go hanou pukpuku raiou lam.

1 Timoti 4:10

Tara a nimanamana nen, ara e kui hatagala sil noahasera a ka a niga teka, taraha ara e hakera u nihamana i tarara tere Sunahan te töatöana. Nonei te taguhu rena u katuun hoboto bate lu pouts rena u katuun te hamana uaier i tanen.

1 Timoti 5:17

U tsunono te kui haniger a toukui i taren egi hala rai u tara marei pan, e la koru uana turu tsunono te rararer na te hihatuts hasir.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

Hibru 6:12

Alimiou goma here rami u katuun u karous. Alimiou go kukute raiam u katuun, tara nihamana i taren na te hahaloso haniga uaren, nori ena lueriou a mamanaka te ranga hamanein a Tsunono.

Hibru 6:15

E Abraham e hahaloso haniga nitöa, ba nonei e lueiena a ka te ranga hamanein e Sunahan.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.