Revelesin 2:10 - U Bulunagana U Niga

¹⁰ Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

Revelesin 2:10 ပူးပေါင်းရင်းမြစ်များ

Matiu 10:22

U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.

Matiu 10:28

Na limiou goma matout rami u katuun te atung hamateier u tuenrei, nori ema atung hamatieri u namnamei. Kaba limiou go matouteiam e Sunahan, nonei te antunan kato homi nitoeiena u tuenrei na u namnamei i hel.

Matiu 24:13

Kaba u katuun te pile kap ner romana a markato tere Sunahan tara pöata a omi teka batema hapolaserien, e Sunahan e lu pouts mera noien i tanen.

U Bulungana u Niga tere Iesu Kristo te kolotein e Mak 13:13

Ba u katuun hoboto te pakö sil raroui limiou a solor. Kaba u katuun te pile kap hatagala nitöa ner a markato tere Sunahan tara pöata a omi teka, e Sunahan e lu pouts mera noien i tanen.”

U Bulungana u Niga tere Iesu Kristo te kolotein e Mak 8:35

Taraha, a katuun te peits nena a nitöatöa i tanen ena hatia nouen romana. Kaba a katuun te hatia sile nei a nitöatöa i tanen te ngil koru mena neien lia na u Bulungana u Niga, nonei ena sabie nou a nitöatöa hamana.

U Bulungana u Niga tere Iesu Kristo te kolotein e Luk 21:12

Kaba i mamina te butu noua a manka teka, ba limiou te pile kap rariou bate kato hohomi pinopino rariou. Alimiou e kout raria romana iahana a man luman lotu turu Jiu bate haka raria tara karabus. Na limiou e lu merari romana i matar u king na turu gamman te hamana uami limiou i tar.

U Bulungana u Niga tere Iesu Kristo te kolotein e Jon 12:25

U katuun te ngil korueier a nitöatöa taren na i puta ena mate riou. Kaba u katuun tema ngileri a nitöatöa na i puta ena lueriou a nitöatöa te ka nitöana.

U Bulungana u Niga tere Iesu Kristo te kolotein e Jon 13:2

A ka e lahi hakapa ba nori e nour, kaba e Satan e haka hakapeia u hakhakats tere Judas Iskariot a pien tere Saimon tego haröto menaien e Iesu turu katuun ti paköe ien.

U Bulungana u Niga tere Iesu Kristo te kolotein e Jon 13:27

Pöata te lu hakapeia e Judas a tsi makumun beret, be Satan e seina i tanen. Be Iesu e poeiena i tanen, “Kato borobori a ka te katsin katoe mölö.”

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 21:13

Ba nonei e ranga palisina me poeiena, “Aha te tabe sile milimiou? Alimiou e kato hatitiama koruemiou a torir. Te ngilin kits narouen lia tara karabus, alia e tatei karabusugu, na lia e haniga hasigu tegona mate sil menai lia e Iesu i Jerusalem.”

1 Korin 9:25

A katuun a hirhirata e tagala nena u ngil turu tuenrei i tanen tara mamanaka bate torohana silena a prais tena tia nou. Kaba a prais te piata sile rara ema antunan tia nei, e ka nitöana.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Jemis 1:12

A katuun te hamana hanigana tara pöata te butuna a manka man omi i tanen ega sasaala. Taraha, pöata te tagala saluhe nanen a manka man omi, ba nonei tena lue nou a nitöatöa te ka nitöana te ranga hamanein e Sunahan turu katuun te ngil korue ren.

1 Pita 5:4

Ba tara pöata te butu nama romana a katuun a kapan turu katunun taratarakap, ba limiou te luemiou romana a praisina i Kolö tema tatei taia nei.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 13:2

A ka a omi teka e tara here ii a pusi a hie te ngöeri a lepat. Na mounen e here ii a mouna tana ka a hie te ngöeri a bea, na rungnen e here ii a runguna pusi pan te ngöeri a laion. A kökötsi pan e halan a nitagala na nitsunono pan tara ka a töatöa a omi teka.

Revelesin 13:7

Na i hatangana hasiin tego hiatatung gono meraien u katuun tere Sunahan bate tagala saluhe ranen. Na nonei i katoe ii a tsunono pan turu han hoboto na u hun katuun hoboto na turu mamana u mar ranga.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!