Revelesin 19:6 - U Bulunagana U Niga

⁶ Ba lia e hengoegu a ka te ling here ii u ranga tara hun katuun pan. E olongo here ii u tasi na e tsipöho here hasi u gururu. Ba nori e poeier: “Soloseiem e Sunahan a Tsunono i tarara te tagala saluhena, na te tsunono panina.

Revelesin 19:6 ပူးပေါင်းရင်းမြစ်များ

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

Revelesin 1:15

Na pitapitana mounen e here ii a bras a niga ti turun hagogoso korui. Na u raranga i tanen e ling here ii te posa hikatei uana u tasi bate osana tara pöata turu hahalou.

Revelesin 1:8

E Sunahan a Tsunono e poeiena, “Alia a Hahatania na Nikapakapa. Na lia u ka mam noahas, na lia e kagu, na lia ena ka noahas gou i murimuri. Nonei Alia te solon tagala saluhe negu a mamanaka.”

Revelesin 12:10

Ba lia e hengoegu u töa u raranga panina i Kolö te pei: “E Sunahan e sakahis hamanasa rena u katuun i tanen na e haröto has nena a nitagala i tanen. Nonei a Tsunono Pan. Na e Mesaia has i tanen e haröto nena a nitsunono i tanen. Taraha? Nori i lapo ba hakapa nama a katuun a omi i Kolö te roron hahatein u hahatoulana i tarara i matana e Sunahan tara mamana pöata.

Revelesin 14:2

Ba lia e hengoegu u töa u mar ling i Kolö te olongo here ii a ramun pan na u gururu pan te tsipöho. Na e here hase ii a hap te ling here nei a gita te roron sakasakeier.

Revelesin 19:1

I murina a ka teka alia u hengoei a ka te ling here ii u raranga tara hun katuun pan i Kolö bate kur me poeier: “Aragi solosei e Sunahan! Nonei e lu pouts raioura, na nonei e ka mena a solo na nitagala pan!

Revelesin 19:4

Ba u huol u maloto na tohats a tsunono na tohats a ka a töatöa e hopöe ria a peisaren i puta me hatsunoner e Sunahan te gum ien turu gumgum u göagono me poeier: “U mana koru! Aragi solosei e Sunahan!”

Revelesin 21:22

Na lia uma tare ii ta luman lotu iahana taun teka, taraha a Tsunono e Sunahan te tagala saluhena na Tunan Sipsip nori a luman lotu tara taun.

Revelesin 4:5

U kanaha e butuma turu gumgum u göagono tere Sunahan, na u gururu na man tana manka e olongo hasima. Na u tohit u bito i kulupuia i matana u gumgum u göagono. Nori u tohit u namnamei tere Sunahan.

Revelesin 6:1

Alia u tara ba Tunan Sipsip te lukapena a töa tara tohit a kaan harokotokap. Ba lia e hengogu ba töa tara tohats a ka a töatöa te poeiena, “Lamuma,” u ranga i tanen e ling herenei u gururu.

Revelesin 8:5

Ba angelo e lueiena a kaan hohongo turu insens me hongeneien u tulana tara makumun haats me lapo nena men tara han i puta. Ba u gururu na u kanaha na nun e butuna, na man palaina manka e olongo has.