Revelesin 19:12 - U Bulunagana U Niga

¹² A matanen e here ii u tula te hiatungna, na nonei e ka mei u hatan tsunono u parpara i bakunen. A töa solo i koloto naia i tanen na e möa ta katuun tega atei sileien. Nonei puku has a töa te atei sile nen.

Revelesin 19:12 ပူးပေါင်းရင်းမြစ်များ

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 21:5

“Hatei raiam u katunur i Saion, ‘Taraiam a King i tamilimiou e la hamanasa uanama i tamilimiou. Nonei e kato here nanei a peisanen a katuun papala koru bate osana tara tunan rongki a hitots.’”

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

U Bulungana u Niga tere Iesu Kristo te kolotein e Luk 10:22

Be Iesu e rangana turu katuun, “E Tamar e hale ii lia a mamanaka hoboto. Na e möa ta töa ta katuun tega atei sil a Pien Tson. E Tamar pepeisa lasi. Na e möa has ta katuun tega atei sil e Tamar. A Pien Tson pepeisa te atei silena e Tamanen, na esi a Pien Tson te hopö kap naien te tatei hatei butu narouen.”

U Bulungana u Niga tere Iesu Kristo te kolotein e Jon 17:11

Alia ema ka lel goi tara han i puta teka, alia e la uagou i tamölö, kaba nori e ka roua tara han i puta teka. O Tamagulia alö te göagono korum, alö go tara kap raien tara nitagala i tamölö tu halei meilö alia, ba nori te katoe riou a töa katuun, te kato has uarara.

U Bulungana u Niga tere Iesu Kristo te kolotein e Jon 17:12

Pöata tu ka gono meraien lia, alia u tara kap raien tara nitagala i tamölö. Alia u tara kapir u katuun tu hala ramei lö alia. A töa puku a katuun te taia, temar hatei mam menaien u Buku u Göagono.

Epesis 1:21

E Kristo e tsunono na tara makum teka bate pan saluhe nena a mamana mar tsunono na mamana mar nitagala. Na nonei e pan saluhe has nena a mamanaka hoboto te ka mena a solo pan, tara han i puta i romana na tara hanina i murimuri.

Hibru 2:9

Kaba ara e tarera e Iesu i hale ii a solo pan, taraha nonei e lui a kamits pan me matena. E Sunahan e taatagi koru raioura me gamon haka pute na e Iesu turu angelo tego mate sil meraien u katuun hoboto.

Revelesin 1:14

U hulu i bakunen e hiaka koru. Na matanen e here ii u tula te kulupuna.

Revelesin 12:3

Ba u tana u hiharöto e butu hasina i Kolö. A ka rörö a kapan koru te tara here ii a kökötsi. Nonei e ka mei u tohit u baku na maloto a ki, na man hatan tsunono e ka hobotoia tara man baku i tanen.

Revelesin 13:1

Ba lia e taregu a töa ka a töatöa te butuma i tasi. Nonei e ka mei a maloto a ki, na man hatan tsunono i kaia tara man tötöa man ki hoboto. Na nonei e ka has mei u tohit u baku, na solo a omi e ka has ia i man bakunen.

Revelesin 19:16

Na turu hasobö u ngahangaha i tanen na i lagulagunen i koloto naia a solo teka: A KATUUN PAN TARA PAL KAPAN HOBOTO NA TSUNONO PAN TURU TSUNONO HOBOTO.

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.

Revelesin 6:2

Ba lia e taregu a hos a hiaka. Na ka te osaia i tanen e ka mei a husul, na nori i haleien u mar hata tara tsunono. Ba nonei e lana me na tagala saluhe ba rena u tsunono u tagala.