Revelesin 19:11 - U Bulunagana U Niga

¹¹ Na lia u tari u Kolö e takalata ba töa hos a hiaka te tuolina. Na katuun te osaia i tanen a solo i tanen i ngöe ii A Katunun Hihipakoko, na tana solo i tanen A Katuun te Ranga nena u Mana. Tara pöata turu kout nonei e ona hamatsköna, na tara pöata te habute nen a pula nonei e kato hamatskö hasina.

Revelesin 19:11 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 1:51

U mana koru alia e hatei ragou limiou, alimiou e tare mou romana u Kolö e kalata nou ba u angelo tere Sunahan te sei ria romana i tar bate koul pouts has rima romana i tar, Alia tu butun Katunuma.”

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 19:19

Ba lia e taregu nonei a ka a omi te töatöa na u tsunonora i puta na u ami i taren bate gono hoboto siler tegi hiatatung gono menaien a katuun te osaia tara hos na u ami i tanen.

Revelesin 19:21

Ba katuun te osaia tara hos e atung hamate ranei u ami i taren u kilatan hiatatung te butuma i rungnen. Bu apena hoboto e nou hamasul ria turu benö tara man soldia hoboto ti mate.

Revelesin 3:14

Nonei a katuun e hakapi u ranga me poeiena, “Alö go koloto menai u raranga teka tara angelo tara hun katuun tere Kristo te ka ria i Laodisia: “U ranga teka nonei u raranga tara katuun te ngöeri ‘U Mana,’ nonei te haröto hamana nena u raranga tere Sunahan. Na nonei a mouna a mamanaka hoboto te habuti e Sunahan.

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.

Revelesin 4:1

I murina a ka teka, balia e tara uagu i Kolö me taregu a tamana e kalata. Ba u rung te ranga mam uama i tar e here ii a tuhil me poeiena, “Sei uama iasa teka, balia te hatare goi lö a manka tega butu moto iou.”

Revelesin 6:2

Ba lia e taregu a hos a hiaka. Na ka te osaia i tanen e ka mei a husul, na nori i haleien u mar hata tara tsunono. Ba nonei e lana me na tagala saluhe ba rena u tsunono u tagala.