Revelesin 18:23 - U Bulunagana U Niga

²³ Na e möa lel tegi tara menai u ualesala turu lam iahana taun teka. Na e möa lel tegi hengo menai u ranga turu mun tahol u hitöl tsimus iahana taun teka. U katunun hahol i tanen i ka mei a solo pan i puta, kaba u katuun tara taun teka i gamoer u katuun turu hun katuun hoboto i puta tara matuna na tara hirakö i taren.

Revelesin 18:23 ပူးပေါင်းရင်းမြစ်များ

Aposol 8:11

Nonei e solon hatara rarien a para a ka ba nori e hahengo haniga koruria i tanen.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 17:2

U tsunono tara man han hoboto i puta i kaka gono mei a tahol teka. Na u katunura i puta i kato homi gono has meien bate here rari u katuun te tutu mer a uain a tagala.”

Revelesin 17:5

Na i polenen i koloto naia a solo a mounen te mousuna. A solo e markato uu teka: BABILON A KAPAN, E TSINAR A TOUHALIOU U LULU TSON NE TSINANA A MAMANA A MARKATO A OMI KORUNA I PUTA.

Revelesin 18:22

Na hap na kohi na tuhil na u mamana u mar köma ema hengo lel tala raroui, na u katunun kui tara mamana mar toukui ema sabe lel raroui, na u ling tara hatu te kono bulbuleri u wit ema hengo lele roi iahana taun teka.

Revelesin 18:3

A taun teka e here nei a tahol te haua ranei u katuun hoboto u uain u tagala te haharuei nena a markato a omi i tanen. U tsunono tara han i puta i kato homi gono mei a tahol a lulu tson teka. Na u katunun hahol tara han i puta i lu hakapi a moni pan tara mamanaka a para te roron ngileien.”

Revelesin 18:9

“Na u tsunono tara han i puta e tare riou u ruhu pan te kulupu uanou a taun i Babilon ba nori te tabe sile rouen, nori ti kato homi gono meir u katuun tara taun teka.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

Revelesin 22:5

E möa lel nou ta bong, na nori ema ngil lele roi tu lam na ta pitala. A Tsunono e Sunahan nonei u ualesala i taren. Ba nori te tsunono riou tara mamana pöata i murimuri.

Revelesin 6:15

Ba u katunura i puta e mousur, u tsunono, na u katuun pan, na u tsunono turu soldia, na u katunun moni, na u katuun u tagala, na u katunun kui, na u katunun hakui. U katuun hoboto i mousia turu kiou na i murina u hatu tara pokus.

Revelesin 9:21

Na nori ima tori tsuga ba has nai a markato tara hipuli na matuna na tsikolo na kop.