Revelesin 18:2 - U Bulunagana U Niga

² Ba nonei e ku hapanina me poeiena: “Tarura! A taun a kapan i Babilon e tarura hakapa! U liliahanei u omi na mamana mar liliahanei a korkoriana e ka ria i tanen, na mamana mar apena a omi has.

Revelesin 18:2 ပူးပေါင်းရင်းမြစ်များ

Revelesin 1:15

Na pitapitana mounen e here ii a bras a niga ti turun hagogoso korui. Na u raranga i tanen e ling here ii te posa hikatei uana u tasi bate osana tara pöata turu hahalou.

Revelesin 10:3

Ba nonei e ku hapan herenei a laion. Na pöata te ku ien, ba u tohit u gururu e soule ren.

Revelesin 11:8

Ba u tuenrei i taren te opöna romana tara kalana tara taun pan ti nila naia a Tsunono i taren tara kuruse. A man solon haharuei tara taun teka i Sodom na i Itsip.

Revelesin 14:15

Ba tana angelo e lakasa nama tara Luman Lotu Pan be ranga hapan uana tara katuun te gum ia turu köasi me poeiena, “Alö go kui me u kilata i tamölö bate ngatsem a kannou a tangoho. A pöatan hagala tara kannou e butu hakapa tara han i puta!”

Revelesin 14:8

Ba hahuoluna a angelo e kukutena a angelo tutuun me poeiena, “A taun a kapan i Babilon e omi hakapa, e omi hakapa koru tala! Nonei e haua rai u katuun hoboto tara man han u uain i tanen te haharuei nena a markato tara katuun te hula hala nena a peisanen!”

Revelesin 16:13

Ba lia e taregu a topisa liliahanei a omi te tara here ii a topisa kura. A töa e lakasama i runguna kökötsi pan, na tai e lakasama i runguna a ka a omi a töatöa, na tai lel e lakasama i runguna propet a gamogamo.

Revelesin 16:19

Ba nonei a taun a kapan e takatana tara topisa makum, na u taun turu han hoboto i tarura hakapa. E Sunahan e hakats poutsin a taun a omi i Babilon, ba nonei e kato here ranei u katuun i tanen u katuun te ueier u uain u tagala te haharuei nena a raharaha a kapan tere Sunahan.

Revelesin 17:18

“A tahol te tare mula lö e haharuei nena a taun a kapan te tsunono rena u tsunono ri puta.”

Revelesin 17:5

Na i polenen i koloto naia a solo a mounen te mousuna. A solo e markato uu teka: BABILON A KAPAN, E TSINAR A TOUHALIOU U LULU TSON NE TSINANA A MAMANA A MARKATO A OMI KORUNA I PUTA.

Revelesin 18:10

Nori e matoute riou a nihahuna teka bate tuol halehanar bate poeier: ‘Haromana, haromana taun pan teka, a taun i Babilon te ka mei a solo pan. A nihahuna i tamölö e butu boroboro koru lala iahana töa puku a aua!’

Revelesin 18:21

Ba töa angelo a tagala e luena a töa hatu pan me lapo nanen i tasi me poeiena: “E kato has uana romana iesana tara taun pan i Babilon te lapo ba nariou, bu katuun tema antunan sabe lele roien.

Revelesin 5:2

Ba lia e taregu a töa a angelo a tagala koru e ranga hapan me poeiena, “Esi te ka mena a nitsunono te antunan lukapa nena u kaan harokotokap bate palatena a pits pepa teka?”