Revelesin 17:8 - U Bulunagana U Niga

⁸ A ka omi te tare mula lö e töatöa i manasa kaba ema töatöa lel nei. Nonei e katsin lakasa nama tara kiou te möa ta nönöanen ba nonei tena taia lel nou. Ba u katuun te ka roua i puta te asingoto hoboto riou te tara mena roien a ka teka, nori u katuun tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nori e asingoto nariou a ka a omi te töatöa i manasa kaba ema töatöa lel nei, kaba nonei e butu lel nou romana.

Revelesin 17:8 ပူးပေါင်းရင်းမြစ်များ

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

U Bulungana u Niga tere Iesu Kristo te kolotein e Luk 10:20

Kaba alimiou goma sasaala memi u liliahanei u omi te hengo mera ri ien limiou. Alimiou go sasaala meiam a solomilimiou i koloto hakapa naia i Kolö.”

U Bulungana u Niga tere Iesu Kristo te kolotein e Luk 8:31

Ba u liliahanei e singo hatagala koru uaier tere Iesu me poeier, “Alö go ma hala merai lam tara kiou te möa ta nönöanen!”

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

Aposol 15:18

A Tsunono e mar ranga uu teka, nonei te habuti u raranga teka i manasa koru.’ “U propet timar koloto uu teka.

Epesis 1:4

I mamuma te habuteia e Sunahan u kolö na u puta, nonei e hopö kap sil raira tegi katuun uu ra i tanen, te hamana uarara tere Kristo. Nonei e ngilena tegi katuun uu ra i tanen batema ka merei ta markato ta omi i matanen.

Taitus 1:2

Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

Revelesin 11:7

Pöata te hatei hakapa narouien u ranga, ba ka a omi te butu nama iahana kiou te möa ta nönöanen te hiatatung mera nen romana. Ba nonei te tagala saluhe ranen romana bate atung hamate ranen.

Revelesin 17:11

Kaba a ka a omi te töatöa i manasa ema töatöa lel nei, nonei a hatoalina a tsunono. Nonei a töa katuun tara hun katuun tara tohit a tsunono, kaba nonei ena taia nou.

Revelesin 17:2

U tsunono tara man han hoboto i puta i kaka gono mei a tahol teka. Na u katunura i puta i kato homi gono has meien bate here rari u katuun te tutu mer a uain a tagala.”

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.

Revelesin 20:15

Ba u katuun a soloren tima koloto rai turu bukuna tara nitöatöa e lapo raria iahana kiou te saputi u tula.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.

Revelesin 3:5

Te tagala saluhe moalö, alö ena hasei hase mou u hasobö u hiaka temar hasei uaren. Alia ema antunan busa ba nagoi a solomölö turu bukuna tara nitöatöa. Alia ena hatei nagou a solomölö tere Tamar na u angelo u göagono i tanen.