Revelesin 17:6 - U Bulunagana U Niga

⁶ Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.

Revelesin 17:6 ပူးပေါင်းရင်းမြစ်များ

Aposol 22:20

Na tara pöata ti atung hamateien e Stiven, a tson te hahatein u raranga i tamölö, alia u ka has ia i rehiren. Alia u hanigein tegi kato hamate menaien, balia e tara kap negu a man hasobö turu katuun ti atung hamateien.’

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 13:15

A hahuoluna a ka e halein a nitagala tega husa uaien turu kesa tara ka tutuun ba u kesa te töatöana ba nonei te rangana bate kato hamate has rena u katuun hoboto tima hatsunoneien.

Revelesin 13:7

Na i hatangana hasiin tego hiatatung gono meraien u katuun tere Sunahan bate tagala saluhe ranen. Na nonei i katoe ii a tsunono pan turu han hoboto na u hun katuun hoboto na turu mamana u mar ranga.

Revelesin 16:6

Taraha, nori u katuun u omi ti atung hamater u katuun i tamölö na u propet i tamölö bate kis ner u rahatsing i taren. Bate here tale nei alö e hala palis ramien u rahatsing tegi ueien. Nori e lueier u nihahuna e popona tara markato a omi i taren.”

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.