Revelesin 16:14 - U Bulunagana U Niga

¹⁴ Nori u liliahanei u omi koru ti tatei kato a man mirakol. A topisa liliahanei teka i la uu turu tsunono turu han hoboto i puta. Nori i la sil tegi gono hoboto sil menaien a hiatatung turu Lan u Kapan tere Sunahan te tagala saluhena.

Revelesin 16:14 ပူးပေါင်းရင်းမြစ်များ

Matiu 24:14

Ba u Bulungana u Niga teka tara Nipepeito tere Sunahan te hihatuts laneria romana tara mamana han i puta, ba man hun katuun hoboto te hengoe ren romana, ba i murinen ba kapakapana a pöata te töan butu nou.”

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Luk 2:1

Tara pöata teka e Sisa Ogastas te gamman Pania i Rom. Nonei e hala nela u raranga tegi hakoloto menai u katuun hoboto a soloren turu buku tara gamman.

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

U pas te koloto menai e Pol turu kristenira i Rom 1:8

Alia e hatei mam ragou limiou alia e haniga uagu tere Sunahan, te singo uagu lia i tanen tara solona e Iesu Kristo. Alia e hakats ragou limiou bate haniga uagu tere Sunahan, taraha u katuun hoboto e hengo ner te hamana uami limiou.

2 Tesalonaika 2:9

Kaba i mam, a katuun a omi teka e la gono menama romana a nitagala tere Satan, batemi katoe nou u mamana u mar mirakol na u hiharöts u gamogamo.

1 Timoti 4:1

Hengo! U Namnamei u Göagono e ranga halesalana bate poeiena, a palair u katuun e laba nariou romana u lotu hamana tara kapakapana a pöata. Nori e ngilin hengo rariou u katuun u gamogamo bate kukutier u hihatuts turu liliahanei u omi.

Jemis 3:15

U mar hakats teka ema butu nameia iasa. E möa. E butuna i puta. Ema markato uanei te hakats uana u namnamei u niga. E kato uana te hakats uana e Satan.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:3

A töa bakuna ka a omi e tara here ii i ngats hamati kaba ema mate nitöa ii. Na a pi i tanen e maho hakapa pouts. U katuun turu han hoboto i puta i asingoto koruni a ka teka ba nori e kukutier a ka a töatöa teka.

Revelesin 16:16

Ba u liliahanei u omi e gono hoboto raier u tsunono tara töa makum te ngöeri i Amagedon turu HaHibru.

Revelesin 16:7

Ba lia e hengoegu u töa u ranga te butuma tara makumun haats me poeiena: “O Tsunono, o Sunahan. Alö e tagala saluhem! A markato te hahuna mera mei lö u katuun e matsköna na e mana nitöana!”

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 20:8

Ba nonei tena gamo ranou u katuun hoboto tara han i puta, i Gok na man hun katuun i tanen i Megok. E Satan e gono hoboto mera noien tara hiatatung, u hihase i taren e para hapopona romana turu kotolana.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.

Revelesin 6:17

U Lan Pan tara raharaha i taren e butu hakapa, na e möa ta katuun tega antunan tuol kap naien.”