Revelesin 14:7 - U Bulunagana U Niga

⁷ Ba nonei e ranga hapanina me poeiena, “Alimiou go matoute iam e Sunahan bate soloseie men. A pöata e butu hakapa tego ona meraien u katuun. Alimiou go hatsunone men, nonei te habutu u kolö na u puta na u tasi na man ramun te bututuna!”

Revelesin 14:7 ပူးပေါင်းရင်းမြစ်များ

Matiu 25:13

Be Iesu e poeiena, “Alimiou go haneiam, taraha alimiou ema atei silemi u lan tsi a aua te butu nama romana a Tsunono i tamilimiou.”

U Bulungana u Niga tere Iesu Kristo te kolotein e Luk 17:18

E möa ta taina ta katuun tega kopisima batemi soloseiena e Sunahan, a töa puku lasi teka a katununa tara tana han?”

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 11:18

U katunura i puta i raharaha korue ioulö, kaba pöata tego hala menai lö a nihahuna e butu hakapa. A pöata e butu hakapama tego ona merai lö u katuun ti mate. Na pöata e la hakapama tego hala menai lö a hihol a niga turu katunun kui i tamölö u propet, na u katuun hoboto i tamölö te matoute riou lö, u katuun u kapan na u katuun papala has. A pöata e butu hakapama tego kato homi merai lö u katuun ti kato homi a han i puta!”

Revelesin 15:4

O Tsunono, u katuun hoboto e matoute rioulö bate soloseie riou lö. Alö a töa te göagonom na te niga nitöam. U han hoboto emi hatsunono roua i tamölö, taraha a markato a matskö i tamölö i haröto hakapein.”

Revelesin 16:9

U katuun e ski homir u hiski pan teka, ba nori e ranga homi koru ner e Sunahan te tsunonin a man niomi teka. Kaba nori ima palis bana ii a man markato a man omi i taren bate soloseier e Sunahan.

Revelesin 18:10

Nori e matoute riou a nihahuna teka bate tuol halehanar bate poeier: ‘Haromana, haromana taun pan teka, a taun i Babilon te ka mei a solo pan. A nihahuna i tamölö e butu boroboro koru lala iahana töa puku a aua!’

Revelesin 18:17

A mamanaka hoboto teka e taia mei a töa puku a aua!’ “Ba u tson tou na u tson kui turu tolaala na u katuun hoboto ti kui ia i tasi e tuol halehanar romana bate tarer u ruhu pan te kulupu uanou a taun. Ba nori te kur bate poeier, ‘E möa lel ta taun tega markato uu tara taun pan teka!’

Revelesin 18:19

Ba nori te tsihasa sei nariou u köahu i bakuren bate taber bate hahurir bate poeier: ‘Haromana, haromana koru tala tara taun pan teka! U katuun hoboto ti kamei a man tolaala ti roron hula laia i tasi i roron lui a moni pan tara taun teka. Nonei e taia hakapa has mei a töa puku aua!’

Revelesin 19:5

Ba u töa u raranga e butu nama turu gumgum u göagono be poeiena: “Alimiou hoboto u katunun kui tere Sunahan, u katuun papala na u katuun pan has te matoute miou e Sunahan, alimiou go soloseie men!”

Revelesin 4:9

Ba te roron solosei ria nori a tohats a ka a töatöa teka e Sunahan bate hapane ren na e haniga has uaier i tanen, nonei te gum na turu gumgum u göagono, nonei te töatöa nitöana.

Revelesin 8:10

Ba hatopisana angelo e pihena a tuhil i tanen. Ba töa pitopito pan te kulupu hapan here ii u bito e rus nama i kolö me rus uana tara hatopisana pala turu ramun olo na tara man ramun te bututuna.