Revelesin 14:3 - U Bulunagana U Niga

³ Ba nori e tuol ria i matana e Sunahan te gum nen turu gumgum u göagono, i matana a tohats a ka a töatöa, na i matana a pal tsunono. Ba nori e kömeier u töa u hets u tsimus tema tatei hetseri a palair u katuun. Nori u 144,000 tara katuun teka te sakahis ba ra ii e Sunahan a han i puta, nori peisa te tatei hetseier u hets teka.

Revelesin 14:3 ပူးပေါင်းရင်းမြစ်များ

1 Korin 1:18

Pöata te rarare ria ra te mate uu e Kristo tara kuruse, ba u katuun te ka ria tara maroro te la hatutuna te poeier u raranga i tarara e tutuna. Kaba u katuun te lu pouts raiena e Sunahan e atei siler nonei u töa puku noa lasi u raranga teka te ka mena a nitagala tere Sunahan.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

Revelesin 14:1

Ba lia e taregu nonei a Tunan Sipsip bate tuoluna ieluna u pokus i Saion. Na u 144,000 tara katuun i ka gono meien. Nori i titi hakapa naia a man solo i poleren, a solona Tunan Sipsip na solo has tere Tamanen.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Revelesin 2:17

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “A katuun te tagala saluhena, alia e hale goien a palaina a kannou te ngöeri u Mana ti hamousi. Na lia e hala hase goien a hatu a hiaka ti koloto naia a solo a tsimus i tanen. Nonei puku lahas a töa te atei sile nou a solo teka.”

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.

Revelesin 7:4

Na lia u hengoi u hihase turu katuun ti hatiin a hatöatongo tere Sunahan i poleren. U hihase i taren e antunaia turu 144,000 turu katuun tara maloto na huol a hun katunura i Israel. U hihase tara man töa man hun katuun ti hatiin a hatöatongo e antunana teka: tere Juda u 12,000 tere Ruben u 12,000 tere Gat u 12,000 tere Aser u 12,000 tere Naptali u 12,000 tere Manase u 12,000 tere Simion u 12,000 tere Livai u 12,000 tere Isaka u 12,000 tere Sebulun u 12,000 tere Josep u 12,000 tere Bentsamen u 12,000