Revelesin 14:2 - U Bulunagana U Niga

² Ba lia e hengoegu u töa u mar ling i Kolö te olongo here ii a ramun pan na u gururu pan te tsipöho. Na e here hase ii a hap te ling here nei a gita te roron sakasakeier.

Revelesin 14:2 ပူးပေါင်းရင်းမြစ်များ

1 Korin 13:1

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.

Revelesin 1:10

Turu lan tara Tsunono, u Namnamei tere Sunahan e kaia i tar ba lia e hengoegu u töa u raranga pan i murir te here ii a tuhil.

Revelesin 1:15

Na pitapitana mounen e here ii a bras a niga ti turun hagogoso korui. Na u raranga i tanen e ling here ii te posa hikatei uana u tasi bate osana tara pöata turu hahalou.

Revelesin 11:12

Ba huol a katuun te hengoer romana u raranga panina i Kolö bate poeiena i taren, “La sei uamuma teka!” Ba nori te la sei uaier romana i Kolö turu köasi, ba u pakö i taren te tara raren.

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 15:2

Ba lia e taregu a ka te tara here ii u tasi, ne here hase ii u galas ti sohale ii u tula. Na lia u tara hasi u katuun ti tagala saluheia tara ka a omi a töatöa na turu kesa i tanen na turu hihase tara solonen. Nori i tuol ia i rehina u tasi te here ii u galas bate pile ner a man hap te hala raien e Sunahan.

Revelesin 18:22

Na hap na kohi na tuhil na u mamana u mar köma ema hengo lel tala raroui, na u katunun kui tara mamana mar toukui ema sabe lel raroui, na u ling tara hatu te kono bulbuleri u wit ema hengo lele roi iahana taun teka.

Revelesin 5:8

Pöata te lu hakapeien a pits pepa, ba tohats a ka a töatöa na u huol u maloto na tohats a tsunono e hopöe ria a peisaren i puta i matana Tunan Sipsip. Nori i ka hoboto mei a man kaan köma te ngöeri a hap na man kap ti katoe ii a goul e saputi u insens. U insens e haharuei nena a man singosingo turu katuun tere Sunahan.

Revelesin 6:1

Alia u tara ba Tunan Sipsip te lukapena a töa tara tohit a kaan harokotokap. Ba lia e hengogu ba töa tara tohats a ka a töatöa te poeiena, “Lamuma,” u ranga i tanen e ling herenei u gururu.

Revelesin 8:7

Ba angelo tutuun e pihena a tuhil i tanen. Ba aisina tara langits na u tula ti sohale ii u rahatsing e lapo naria i puta. Ba hatopisana pala turu tsiktsiki na turu ruei e atsir. Ba u garas u pelpeli e ats hoboto hasir.