Revelesin 14:13 - U Bulunagana U Niga

¹³ Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”

Revelesin 14:13 ပူးပေါင်းရင်းမြစ်များ

Matiu 3:17

Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”

U Bulungana u Niga tere Iesu Kristo te kolotein e Luk 16:25

Be Abraham e poeiena, ‘A tsi pien, alö go hakats pouts hasiin a pöata tu töatöa noaia lö i puta. Alö u lu nitöan a mamanaka a niga i tamölö i puta, be Lasarus te luena a mamanaka a omi. Kaba i romana nonei e ka haniga talana teka ba lö te sagohem a kamits.

U Bulungana u Niga tere Iesu Kristo te kolotein e Luk 16:9

Be Iesu e poeiena, “Na lia e ranga mera goulimiou, alimiou go lueiam a moni i tamilimiou bate taguhu ramiou u katuun ba nori te kapiena rariou limiou. A moni e taia nou romana, kaba pöata te mate moa limiou, ba limiou te ngö mera roi i Kolö.

U pas te koloto menai e Pol turu kristenira i Rom 14:8

Ara e töatöa silera tegi kato hasasaala mei a Tsunono. Na nimate has i tarara, a ka peisa noahas tara Tsunono. Te töatöa ria ra tsi te mate ria ra, ara u katuun tara Tsunono.

1 Korin 15:18

Ba u katuun ti hamana mam ia tere Kristo, ti mate hakapa, ga i taia hakapa tala.

1 Korin 15:20

Kaba u mana koru, e Kristo i hatakei poutseia tara tou mate, nonei a nitania tara tou takei pouts, e haröto nena u katuun ti mate e takei pouts has riou romana.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

2 Korin 5:8

Aa, alam e ongolo korum ne niga bala nena alam go haka ban u tuenrei i tamulam batena ka gono mem a Tsunono tara han i tanen.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

1 Tesalonaika 4:14

Ara e hamanera e Iesu e mate me takei poutsuna. Na ra e hamana hasera, a pöata te la pouts nama romana e Iesu be Sunahan te peigi gono mera nameien u katuun ti mate ti hamanaia tere Iesu.

1 Tesalonaika 4:16

Taraha, a Tsunono e koul menama romana i Kolö u raranga u mal, na tsunono turu angelo e ku hapan nou romana, na tuhil tere Sunahan e ling has nou romana. Na u katuun ti hamanaia tere Iesu i mam tara pöata ti mateien e takei pouts mam has riou romana.

1 Tesalonaika 5:10

Nonei e mate sil tegi ka nitöa gono menaien ra, noahasina te töatöa noa roa ra tsi te mate hakapa mam rouara tara pöata te la pouts namen romana.

1 Timoti 5:24

A palair u katuun te roron kato homir a markato i taren e hatara mareiena na e haröto nena tena lu mena roien a nihahuna. Na markato a omi tara palair u katuun ema atei sileri, kaba ena lakasa moto nou i murimuri.

1 Timoti 5:25

Na te kato has uana a markato a niga, e atei sil haseier, na markato a niga tema lakasa noa nei ena lakasa moto has nou i murimuri.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 10:4

Pöata ti soul hakapa ia u tohit u gururu, ba lia e katsin koloto nagien turu pepa. Kaba u töa u rarangana i Kolö e pei i tar, “Hamousi u raranga turu tohit u gururu, möa tu koloteien.”

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 16:17

Ba hatohitina a angelo e kis nena a kap i tanen iasa. Ba u töa u raranga pan e butu nama turu gumgum u göagono iahana Luman Lotu Pan me poeiena, “E kapa tala!”

Revelesin 19:9

Ba nonei a angelo e poeiena i tar, “Alö go kolotein a ka teka: U katuun ti hangö merai tara kannouna tara hitöl tara Tunan Sipsip egi sasaala!” Ba nonei e pei hasena, “Nonei u raranga hamana tere Sunahan teka.”

Revelesin 2:1

A katuun tu tari lia e pei hasi i tar, “Alö go koloto menai u raranga teka tara angelo tara hun katuun tere Kristo te ka ria i Epesis: “U ranga teka nonei u raranga tara katuun te pile nena a tohit a pitopito turu ualima u pal matou i tanen, na te hula hahis hasna i gusuna u tohit u lam goul.

Revelesin 2:7

“Esi te ka mena u talinga ega hengo haniga korui a ka te hatei nena u Namnamei tere Sunahan tara man hun katuun tere Kristo. “Na tara katuun te tagala saluhena, alia e haniga negou tego na nouaien turu rueina tara nitöatöa, te kana iahana kui tere Sunahan.”

Revelesin 20:6

U katuun te takei pouts roua tara pöata tutuun teka e sasaala koru riou bate möar ta ka ta omi i taren. A hahuoluna tou mate ema tatei kato homi ranoui u katuun teka. Nori ena pris roua tere Sunahan na tere Kristo, na nori e tsunono gono has merouen antunana turu 1,000 u hiningal.

Revelesin 21:5

Be Sunahan te gum ia turu gumgum u göagono e poeiena, “Alia e kato hatsimusegu a mamanaka.” Ba nonei e pei hasena i tar, “Alö go kolotein a manka teka. U ranga teka e manana na egi hamani.”

Revelesin 22:17

U Namnamei tere Sunahan e poeiena, “Lama!” Na hun katuun tere Iesu te hereri a tahol te katsin hitöluna e poeier, “Lama!” Na esi te hengoena a ka teka ega pei hasi, “Lama!” La muma, u katuun hoboto te makar. Eresi te ngilin uar emi tatei ueier u ramununa tara nitöatöa te möa ta hihol.

Revelesin 6:11

Ba nori hoboto e hala rari u hasobö u hiaka, ba nori e hatei rari tegi gamon hahaloso uaien, e antunana tega onotoia a man hahatoulana i taren na u katunun kui tere Iesu. Taraha, nori egi atung hamate hasir, ti kato has uu katuun teka ti mate mam.