Revelesin 14:11 - U Bulunagana U Niga

¹¹ U ruhu turu tula te hakamits ranouen e la sei nitöa nou, nema tatei kapa nei. E möa koru ta pöata tego ski tara lan na bong turu nihahuna i taren, nori u katuun ti hatsunoni a ka a töatöa na u kesa i tanen na nori ti lui a hatöatongo tara solonen.”

Revelesin 14:11 ပူးပေါင်းရင်းမြစ်များ

Matiu 11:28

“La uamuma i tar, alimiou hoboto te kui hatagala koru miou, bate söate miou a nitiama a kapan koru. Alia e hahusa ragou limiou.

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

Matiu 25:46

Ti markato uaien teka ba u katuun teka tena lue riou u nihahuna te ka nitöana, ba u katuun u matskö tena lue riou a nitöatöa te ka nitöana.”

Hibru 1:8

Na u Buku u Göagono e mar ranga menai a Pien Tson tere Sunahan teka: “O Sunahan, a solon king i tamölö e ka nitöana romana. Alö e tsunono hamatskö rem u katuun tara nipepeito i tamölö.

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 13:12

A ka teka e kui mei a nitsunono pan te lue ien tara ka tutuun a töatöa. Nonei e katoe u raranga u mal koru te pei u katuun hoboto i puta egi hatsunoni a ka tutuun a töatöa, a ngats pan i tanen te maho pouts.

Revelesin 13:15

A hahuoluna a ka e halein a nitagala tega husa uaien turu kesa tara ka tutuun ba u kesa te töatöana ba nonei te rangana bate kato hamate has rena u katuun hoboto tima hatsunoneien.

Revelesin 13:17

Na katuun tegoma ka mei a hatöatongo teka ema tatei hihol nei na ema tatei hahol has nei. A hatöatongo teka nonei a solona a ka tutuun a töatöa, tsi u hihase tara solonen.

Revelesin 14:9

Ba hatopisana angelo e kukute ranen me ranga hapanina me poeiena, “E Sunahan e hahuna ranou u katuun te hatsunoner a ka a omi a töatöa na u kesa i tanen, bate hati ner a hatöatongo i tanen i poleren tsi i limaren. Nori e here roi a katuun te ueiena u uain u tagala koru tema sohala gono meri tu ramun. U uain teka e haharuei nena a raharaha pan tere Sunahan. U katuun hoboto teka e lue riou a kamits pan turu tula u hiski koru, i matar u angelo u göagono na i matana a Tunan Sipsip.

Revelesin 18:9

“Na u tsunono tara han i puta e tare riou u ruhu pan te kulupu uanou a taun i Babilon ba nori te tabe sile rouen, nori ti kato homi gono meir u katuun tara taun teka.

Revelesin 19:3

Ba nori e ku lelir me poeier: “Soloseiam e Sunahan! U ruhu tara taun a kapan teka te kulupuna e ruhu sei nitöa nou tara mamana pöata!”

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Revelesin 22:5

E möa lel nou ta bong, na nori ema ngil lele roi tu lam na ta pitala. A Tsunono e Sunahan nonei u ualesala i taren. Ba nori te tsunono riou tara mamana pöata i murimuri.