Revelesin 14:1 - U Bulunagana U Niga

¹ Ba lia e taregu nonei a Tunan Sipsip bate tuoluna ieluna u pokus i Saion. Na u 144,000 tara katuun i ka gono meien. Nori i titi hakapa naia a man solo i poleren, a solona Tunan Sipsip na solo has tere Tamanen.

Revelesin 14:1 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Luk 12:8

E Iesu e ranga lel me poeiena, “Alia e ranga mera goulimiou: esi te hatei na noa lia turu katuun, alia tu butun Katunuma ena hatei has ragou u angelo tere Sunahan nonei a katuun i tar.

U pas te koloto menai e Pol turu kristenira i Rom 9:33

Ti mar koloto has menaien turu Buku u Göagono: “Tara. Alia e hake gou a hatu i Saion, a hatu te tutu ranoua u katuun. Ba u katuun te hamana ria romana i tanen tema tatei hamatsingolo raroien.”

Revelesin 14:14

Ba lia e taregu u köasi u hiaka, na ka te tara here ii nonei te butun Katunuma e gum ia turu köasi. Nonei e ka mei u hatan tsunono u goul i bakunen na u kilata u nou koru i limanen.

Revelesin 14:3

Ba nori e tuol ria i matana e Sunahan te gum nen turu gumgum u göagono, i matana a tohats a ka a töatöa, na i matana a pal tsunono. Ba nori e kömeier u töa u hets u tsimus tema tatei hetseri a palair u katuun. Nori u 144,000 tara katuun teka te sakahis ba ra ii e Sunahan a han i puta, nori peisa te tatei hetseier u hets teka.

Revelesin 15:5

I murina a ka teka alia u tari a Luman Lotu Pan i Kolö na makum a göagono i tanen e kalata.

Revelesin 22:4

Nori e tare riou a matanen, na solonen e ka noua i poleren.

Revelesin 3:12

A katuun te tagala saluhena, alia e kato here nagou ien a tuul pan iahana Luman Lotu Pan tere Sunahan. Nonei ema antunan laba nanou ii a makum a niga teka. Na lia e koloto nagoua i tanen a solo tere Sunahan na solona taun tere Sunahan, a Jerusalem a tsimus te koul nama romana i Kolö tere Sunahan. Na lia e koloto has nagia romana a solo a tsimus i tar i tanen.

Revelesin 4:1

I murina a ka teka, balia e tara uagu i Kolö me taregu a tamana e kalata. Ba u rung te ranga mam uama i tar e here ii a tuhil me poeiena, “Sei uama iasa teka, balia te hatare goi lö a manka tega butu moto iou.”

Revelesin 6:8

Ba lia e taregu a hos a ngöngöana, na ka te osaia i tanen i ngöei a Tou Mate, na Han turu Mate te kukute hasukusukuia i tanen. Nori i hala rai a nitagala tegi kato hamate meraien u katuun i puta tara mar tou mate teka: a hiatatung, a bes, a siki, na ka a hie. Ba hatohatsina pala turu katunura i puta e mater.