Revelesin 13:2 - U Bulunagana U Niga

² A ka a omi teka e tara here ii a pusi a hie te ngöeri a lepat. Na mounen e here ii a mouna tana ka a hie te ngöeri a bea, na rungnen e here ii a runguna pusi pan te ngöeri a laion. A kökötsi pan e halan a nitagala na nitsunono pan tara ka a töatöa a omi teka.

Revelesin 13:2 ပူးပေါင်းရင်းမြစ်များ

2 Timoti 4:17

Kaba a Tsunono e ka gono meiou lia bate hatagale noulia, ba u raranga te sila nama romana i tar, ba u katuun hoboto tema Jiu ri te hengoeren. Ba tara markato teka ba e Sunahan te luba nena lia i runguna a laion.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

Revelesin 12:13

Ba pöata te atei sileia a kökötsi ti lapo ba menaien i puta, ba nonei e tanian kuteiena a tahol te posei a pien tson.

Revelesin 12:15

Ba kökötsi e pula nena u ramun u parpara te here ii a ramun olo, te olo uu tara tahol bate katsin las ba nanen.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:12

A ka teka e kui mei a nitsunono pan te lue ien tara ka tutuun a töatöa. Nonei e katoe u raranga u mal koru te pei u katuun hoboto i puta egi hatsunoni a ka tutuun a töatöa, a ngats pan i tanen te maho pouts.

Revelesin 13:4

Bu katuun e hatsunoner a kökötsi, te hala menaien a nitagala tara ka a töatöa teka. Ba nori e hatsunono haseier a ka a töatöa me poeier, “Esi te antunana tara ka a töatöa? E möa tala. E möa ta katuun tega antunan hiatatung gono meien!”

Revelesin 16:10

Ba hatolimana angelo e kis nena a kap i tanen turu gumgum u göagono tara ka a omi a töatöa. Bu kuhil e kopo kap nena a han i tanen, bu kamits pan e butuna, ti har koru mei u katuun.

Revelesin 17:12

“A maloto a ki te tare mula lö e haharuei ner a maloto a tsunono tema tsunono noari. Kaba nori e lue riou a nikapan tara tsunono tara tsitabubun pöata puku bate tsunono gono meriou a ka a omi a töatöa.

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 20:2

Ba nonei e pile kap nena nonei a kökötsi pan, a liliahanei a omina i manasa, nonei e Satan, me kitse nen e antunan töana turu 1,000 u hiningal.