Revelesin 13:16 - U Bulunagana U Niga

¹⁶ Ba hahuoluna a ka a töatöa e rangan hamalna turu katuun papala na u katuun pan has, na turu katunun moni na u katuun has ti möa ta moni, na turu katunun kukui puku na palair u katuun hoboto has. Ba u raranga teka e poeiena nori hoboto egi hatitiin a töa a mar hatöatongo tara pal matou i limaren tsi i poleren.

Revelesin 13:16 ပူးပေါင်းရင်းမြစ်များ

Aposol 26:22

Na te antunana i romana e Sunahan e taguhe ioulia, balia te tuol gia teka bate hatei negu a manka teka tara katuun papala na turu tsunono has. Na lia e katoegu u mar ranga noa lahas ti katoi u propet na e Mosis i manasa tara manka tega butu.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Galesia 6:17

Na lia ema ngil lenegi ta katuun ega hale ii lia ta nitiama. A man gahil tu lueia lia turu katuun ti omie ioulia e haröto nena alia a katunun kui tere Iesu.

Epesis 6:8

Ba Tsunono te hala nanou a hihol a niga turu katuun hoboto te kuir, na katuun te kui peisa mena u ngil i tanen na tara katuun has te hakuie ier.

Kolosi 3:11

Na tara markato a tsimus teka, e möa lel ta toun Jiu na e möa lel ta katuun tega hapö. Na e Sunahan ema hakats has ranei eresi u katuun halhal na eresi u katunur i gusuna latu na u katuun te hakhakui puku raier na u katuun te tuol peisa naier a peisaren. E möa. I romana e Kristo te panina na nonei e kana iahar u katuun hoboto i tanen.

2 Timoti 3:8

Ti markato uu ere Janis mere Jambris, nori ima hengoei e Mosis. U mar katuun teka u hakats i taren e omi hakapa, nori ema hamana lel ri.

Revelesin 11:18

U katunura i puta i raharaha korue ioulö, kaba pöata tego hala menai lö a nihahuna e butu hakapa. A pöata e butu hakapama tego ona merai lö u katuun ti mate. Na pöata e la hakapama tego hala menai lö a hihol a niga turu katunun kui i tamölö u propet, na u katuun hoboto i tamölö te matoute riou lö, u katuun u kapan na u katuun papala has. A pöata e butu hakapama tego kato homi merai lö u katuun ti kato homi a han i puta!”

Revelesin 15:2

Ba lia e taregu a ka te tara here ii u tasi, ne here hase ii u galas ti sohale ii u tula. Na lia u tara hasi u katuun ti tagala saluheia tara ka a omi a töatöa na turu kesa i tanen na turu hihase tara solonen. Nori i tuol ia i rehina u tasi te here ii u galas bate pile ner a man hap te hala raien e Sunahan.

Revelesin 19:18

Mi nou mia turu benö tara pal kapan na u soldia na u tsunono i taren, na turu benö turu hos na u katuun ti osaia i taren, na turu benö turu katuun hoboto, u katuun papala na u katuun pan, u katunun kukui puku na palair u katuun hoboto!”

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Revelesin 19:5

Ba u töa u raranga e butu nama turu gumgum u göagono be poeiena: “Alimiou hoboto u katunun kui tere Sunahan, u katuun papala na u katuun pan has te matoute miou e Sunahan, alimiou go soloseie men!”

Revelesin 20:12

Na lia u tara hasi u mate ti tuol ia i matana u gumgum u göagono, na u katuun papala na u katuun pan has. Ba man buku e palateier. Na u tana u buku i palata hasi, u bukuna tara nitöatöa. Ba u mate e kout merari a manka ti koloto naia tara man buku, a manka ti katoe men i puta.

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 6:15

Ba u katunura i puta e mousur, u tsunono, na u katuun pan, na u tsunono turu soldia, na u katunun moni, na u katuun u tagala, na u katunun kui, na u katunun hakui. U katuun hoboto i mousia turu kiou na i murina u hatu tara pokus.

Revelesin 7:3

Ba angelo teka e poeiena, “Alimiou goma kato homiemi u tsiktsiki tsi u tasi tsi a ruei e antunana te titi hakapa mera moi lö a poler u katunun kui tere Sunahan.”