Revelesin 13:1 - U Bulunagana U Niga

¹ Ba lia e taregu a töa ka a töatöa te butuma i tasi. Nonei e ka mei a maloto a ki, na man hatan tsunono i kaia tara man tötöa man ki hoboto. Na nonei e ka has mei u tohit u baku, na solo a omi e ka has ia i man bakunen.

Revelesin 13:1 ပူးပေါင်းရင်းမြစ်များ

Revelesin 11:7

Pöata te hatei hakapa narouien u ranga, ba ka a omi te butu nama iahana kiou te möa ta nönöanen te hiatatung mera nen romana. Ba nonei te tagala saluhe ranen romana bate atung hamate ranen.

Revelesin 12:3

Ba u tana u hiharöto e butu hasina i Kolö. A ka rörö a kapan koru te tara here ii a kökötsi. Nonei e ka mei u tohit u baku na maloto a ki, na man hatan tsunono e ka hobotoia tara man baku i tanen.

Revelesin 13:11

Ba lia e taregu a tana ka a töatöa te butuma turu tsiktsiki. Nonei e ka mei a huol a ki te here ii a ki tara tunan sipsip, kaba nonei e ranga here ii a kökötsi pan.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 13:15

A hahuoluna a ka e halein a nitagala tega husa uaien turu kesa tara ka tutuun ba u kesa te töatöana ba nonei te rangana bate kato hamate has rena u katuun hoboto tima hatsunoneien.

Revelesin 15:2

Ba lia e taregu a ka te tara here ii u tasi, ne here hase ii u galas ti sohale ii u tula. Na lia u tara hasi u katuun ti tagala saluheia tara ka a omi a töatöa na turu kesa i tanen na turu hihase tara solonen. Nori i tuol ia i rehina u tasi te here ii u galas bate pile ner a man hap te hala raien e Sunahan.

Revelesin 16:13

Ba lia e taregu a topisa liliahanei a omi te tara here ii a topisa kura. A töa e lakasama i runguna kökötsi pan, na tai e lakasama i runguna a ka a omi a töatöa, na tai lel e lakasama i runguna propet a gamogamo.

Revelesin 17:16

A maloto a ki te tare mula lö e haharuei naier u tsunono. Nori na ka a omi a töatöa e omie riou romana nonei a tahol. Nori e luba nariou a mamanaka i tanen ba nonei te belosona. Ba nori te noue riou a benöna tahol bate haats hakape rouen turu tula.

Revelesin 17:3

Alia u kaia turu Namnamei tere Sunahan na e here ii nonei a angelo e söata menai lia tara töa makum a palaka. Ba lia e taregu a tahol te gum ia tara töa ka a rörö a töatöa te ka mei a solo a omi a para i tuenreinen hoboto, bate ka has mena u tohit u baku na maloto a ki.

Revelesin 17:5

Na i polenen i koloto naia a solo a mounen te mousuna. A solo e markato uu teka: BABILON A KAPAN, E TSINAR A TOUHALIOU U LULU TSON NE TSINANA A MAMANA A MARKATO A OMI KORUNA I PUTA.

Revelesin 19:19

Ba lia e taregu nonei a ka a omi te töatöa na u tsunonora i puta na u ami i taren bate gono hoboto siler tegi hiatatung gono menaien a katuun te osaia tara hos na u ami i tanen.