Revelesin 12:9 - U Bulunagana U Niga

⁹ Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 12:9 ပူးပေါင်းရင်းမြစ်များ

Matiu 13:39

Na katuun a omi te tsihasein u pulung tara kui, nonei e Satan. Na pöata te gone ria a kannou a tangoho e here nei a kapakapana pöata turu han i puta. Na u katuun te goner a kannou a tangoho tara kui, nori u angelo.

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

Matiu 4:1

Tara pöata teka u Namnamei tere Sunahan e peigi menai e Iesu tara makum a palaka tegona torohana menaien e Satan.

Matiu 4:10

Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”

Matiu 4:5

Nonei e mar ranga uu teka, be Satan e lu mena neien tara taun i Jerusalem, mena hatuole nen iasa koru i pungana tara Luman Lotu Pan.

Matiu 4:8

Be Satan e lu mena neien turu töa u pokus iasa koru. Ba nonei e haröte neien a man han hoboto i puta na mamanaka a niga i taren.

U Bulungana u Niga tere Iesu Kristo te kolotein e Luk 10:18

Be Iesu e ranga palis ranen, “Aa, alia u tari e Satan e rus here mei u kanaha i Kolö.

U Bulungana u Niga tere Iesu Kristo te kolotein e Luk 13:16

Na tahol teka, a töa hatutubunei tere Abraham, e Satan e pile kapiin a tahol teka turu maloto nu töal u hiningal, ema tatei purese ba has nari a tou kits i tanen turu Lan u Göagono?”

U Bulungana u Niga tere Iesu Kristo te kolotein e Luk 22:3

Be Satan e seina tere Judas Iskariot, a töa tara maloto na huol a katunun tsitsilo tere Iesu.

U Bulungana u Niga tere Iesu Kristo te kolotein e Luk 22:31

Be Iesu e poeiena tere Pita, “Saimon, Saimon, hengo! E Satan e rangata hatagala sil tega torohana meraien limiou hoboto, be Sunahan e hanigana. A nitorohana tere Satan teka e here nei a katuun te lu katena a kannou a niga na bita.

U Bulungana u Niga tere Iesu Kristo te kolotein e Luk 8:12

A man ngal ti pururukuia tara maroro e herenei a pala te hengoer u raranga tere Sunahan, kaba e Satan emi luba nena u raranga te kana i toriren. Taraha? Nonei e rama nena tegi hamana uaien be Sunahan te lu pouts ranen.

U Bulungana u Niga tere Iesu Kristo te kolotein e Jon 12:31

A pöata turu kout tere Sunahan e butu hakapa. Nonei e katsin tsuga ba tala nena e Satan.

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U Bulungana u Niga tere Iesu Kristo te kolotein e Jon 16:11

Na e Sunahan e ona ranou u katunura i puta, taraha nonei e hopö kap hakapein a nihahuna tara katuun te panna tara han i puta teka, nonei e Satan.

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Aposol 5:3

Be Pita e poeiena i tanen, “O Ananias, aha tu hengo sile ii lö u hiamus tere Satan balö te gamoeiem u Namnamei u Göagono? Alö u pile kap pouts sil nai a hapalana moni ti hole ii u tsiktsiki, aha?

U pas te koloto menai e Pol turu kristenira i Rom 16:18

Taraha, nori u katuun teka ema kui beri a Tsunono i tarara e Kristo. E möa. Nori e kui siler u ngilngilina i puta i taren. Nori e roron angoso rer u katuun bate gamo rer u katuun tema atei sileri a ka tema mana nei.

U pas te koloto menai e Pol turu kristenira i Rom 16:20

E Sunahan tara masalohana e tö mismisase noua e Satan i kopina pitapitana mou milimiou. A nihitaguhu tara Tsunono i tarara e Iesu Kristo e tatei ka gono mera noulimiou.

2 Korin 11:14

E manana, e Satan e kato here has nai a peisanen a angelona turu ualesala.

2 Korin 11:3

Kaba lia e matoutegu, alimiou ena mots heremi e Eva te hengo sila nai u gamo tere Satan a kökötsi, batema hakats sil lenemi e Kristo puku lahas a töa.

2 Korin 12:7

Alia i hatare ii a man para a man hiharöto pan koru tere Sunahan. Nonei ema ngile ii tego hakats sesei menai lia a peisar, ba nonei e haniga nena tego sagoho menai lia a kamits i peisar. Nonei a kamits teka e here nei a katunun kui tere Satan te hakamitse noulia bate hatu kap nena tego hakats sesei koru menai lia a peisar.

2 Korin 2:11

Be Satan tema tatei gamo ranei ra. Ara e atei silera temar gamo mera neien u katuun.

2 Korin 4:4

A tson hiamus na turu puta teka e Satan, e kato hakuhilir u hakhakats turu katuun te hahamanar banori tema atei sileri u raranga u mana, te here nei u ualesala te alesala uana i taren. U ualesala nonei u Bulungana u Niga tere Kristo, e Kristo u haharuei tere Sunahan.

Epesis 4:14

Ba i murimuri bara tema here lele roi a galapien. Taraha, a galapien e hamana ria tara man hihatuts turu katuun u gamogamo hoboto te butu rima, u katuun te gamo raren ba nori te katoeier a man markato a man omi. Esi te hengo ranen bate hula hakatsina e here nei a ka te hula hapouseina i tasi, tsi a ka te söatena a lomolomo bate hula tapana. Kaba ara gima markato uai tara katuun teka.

2 Tesalonaika 2:3

A katuun e namots gamo ranei limiou tu saha tu mar ranga. Taraha, u Lan Pan teka ema mam namei romana. E möa. A ka teka te butu mam nou romana: u katuun u para e hapolase riou romana e Sunahan, ba katuun te roron pekoena a lo te butu nou, nonei te lue nou a nihahuna i hel.

1 Timoti 2:14

E Adam ima gamoei. E möa. E Eva ti gami me pekoena a lo tere Sunahan.

2 Timoti 3:13

U katuun u omi na u katuun u gamogamo e omi koru riou bate omi susul lasir. Na nori e gamo rariou a palai, ba nori tena gamo lel has riou.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

U pas te kolotein e Jut 1:9

Kaba e angelo Maikol, a tsunono pan turu angelo, ema mar ranga homi uai teka. Pöata ti hiararanga sileien u tuenrei tere Mosis, e Maikol ema ranga homi nai e Satan. Nonei e ranga meien me poeiena, “A Tsunono peisa te hapiou na noulö.”

Revelesin 12:12

Alimiou hoboto te ka mia i Kolö go sasaala iam! Kaba a niomi pan e butu noa i tamilimiou u katuun te ka mia turu tsiktsiki na i tasi. Taraha? E Satan e koul hakapa uu i tamilimiou na nonei e raharaha koruna. Nonei e atei silena a pöata i tanen e sukusukun kapana.”

Revelesin 12:3

Ba u tana u hiharöto e butu hasina i Kolö. A ka rörö a kapan koru te tara here ii a kökötsi. Nonei e ka mei u tohit u baku na maloto a ki, na man hatan tsunono e ka hobotoia tara man baku i tanen.

Revelesin 12:7

Na turu hiharöto teka alia u tari a töa a hiatatung te butuia i Kolö. Be Maikol na u angelo u niga i tanen e hiatatung gono mer a kökötsi pan na u angelo u omi i tanen.

Revelesin 12:8

Ba pala tara kökötsi e rus ria tara hiatatung ba nori e möa lelir ta makum taren i Kolö.

Revelesin 13:14

Nonei e gamoer u katuun ti kaia i puta a man mirakol te katoeien i matana a ka tutuun a töatöa. Na hahuoluna a ka e ranga mer u katuun i puta tegi kui menaien u kesa te mata here ii a ka tutuun ti ngats hamati kaba e töatöa pouts.

Revelesin 16:14

Nori u liliahanei u omi koru ti tatei kato a man mirakol. A topisa liliahanei teka i la uu turu tsunono turu han hoboto i puta. Nori i la sil tegi gono hoboto sil menaien a hiatatung turu Lan u Kapan tere Sunahan te tagala saluhena.

Revelesin 18:2

Ba nonei e ku hapanina me poeiena: “Tarura! A taun a kapan i Babilon e tarura hakapa! U liliahanei u omi na mamana mar liliahanei a korkoriana e ka ria i tanen, na mamana mar apena a omi has.

Revelesin 18:23

Na e möa lel tegi tara menai u ualesala turu lam iahana taun teka. Na e möa lel tegi hengo menai u ranga turu mun tahol u hitöl tsimus iahana taun teka. U katunun hahol i tanen i ka mei a solo pan i puta, kaba u katuun tara taun teka i gamoer u katuun turu hun katuun hoboto i puta tara matuna na tara hirakö i taren.

Revelesin 19:20

Na katuun te osaia tara hos na u ami i tanen i pile kapiin a ka a omi a töatöa na propet a gamogamo has te kato mami a man mirakol i matana ka a töatöa. Nonei e gamor u katuun ti ka mei a hatöatongo tara ka a omi a töatöa na ti hatsunono uu turu kesa i tanen. Na ka a omi te töatöa na propet a gamogamo has i lapo raia iahana kiou pan te saputena u tula u hiski koru.

Revelesin 2:13

Alia e atei silegu a han te ka mia limiou, a han te ka hasina u gumgumun tsunono tere Satan. E Antipas e hihatuts haniga beiou lia tara han teka, ba nori e atung hamatie ren. Kaba limiou uma hapolase mi lia. Alimiou e hamana noa hase moulia.

Revelesin 2:24

“Kaba a palai i tamilimiou te karia i Taiataira tema kukutiemi u hihatuts u omi teka. Alimiou tuma hihatuts nami a ka te ngöe rien a mouna u hihatuts tere Satan. I tamilimiou alia e mar ranga uagu teka, alia ema hapona lele goi tu hakats tu tiama i tamilimiou.

Revelesin 2:9

Alia e atei silegu a torimilimiou e tiamana, na limiou ema ka bala memi ta ka. Kaba limiou e ka noa has memiou a mamanaka. Alia e atei sil hasegu a palair u katuun e tuts sil rariou limiou. Ba nori te poeier nori u Jiu, kaba e möa. Nori u katuun tere Satan!

Revelesin 20:10

Be Satan, te gamo raien, te lapo töatöa naroua iahana kiou pan te saputena u pannen tula u ahiin tuun. Tara makum teka e lapo mam raroua a ka a omi a töatöa na propet a gamogamo, be muriren be Satan te töan lapo naier. Ba nori te kamits homi korur romana tara lan na bong tara mamana pöata i murimuri.

Revelesin 20:8

Ba nonei tena gamo ranou u katuun hoboto tara han i puta, i Gok na man hun katuun i tanen i Megok. E Satan e gono hoboto mera noien tara hiatatung, u hihase i taren e para hapopona romana turu kotolana.

Revelesin 3:9

Na pal katuun tere Satan te gamor bate poeier nori u Jiu kaba ema Jiu ri, alia e kato ragoien, ba nori tena hatukun roua i matamilimiou bate tara marei riou alia e ngil koru ragou limiou.

Revelesin 9:1

Ba hatolimana angelo e pihena a tuhil i tanen. Ba lia e taregu a töa pitopito te rusuma i kolö me rus uanama i puta. A pitopito i hale ii a kii tara tamanana tara kiou te möa ta nönöanen.

Revelesin 9:20

Na palair u katuun hobotora i puta tima atung hamate rai a manka a man omi teka, nori ima tori tsuga ba noa has nai a man markato a man omi i taren bate hatsunoner e Sunahan. Nori i hatsunono noa hasir u liliahanei u omi na manka ti kato peiseien u kesa ti kuieien a goul na u silva na u bras na a hatu na u ruei, a manka teka tema antunan tara nei na tema hengo nei na tema la nei.