Revelesin 12:4 - U Bulunagana U Niga

⁴ A hisnen e salo bani a hatopisana pala turu pitopito me lapo ba ranen i puta. Ba kökötsi ena tuolna i matana a tahol te katsin posa. Nonei e ngilin noui a pien tara pöata tegi poseien.

Revelesin 12:4 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

Revelesin 12:7

Na turu hiharöto teka alia u tari a töa a hiatatung te butuia i Kolö. Be Maikol na u angelo u niga i tanen e hiatatung gono mer a kökötsi pan na u angelo u omi i tanen.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:2

A ka a omi teka e tara here ii a pusi a hie te ngöeri a lepat. Na mounen e here ii a mouna tana ka a hie te ngöeri a bea, na rungnen e here ii a runguna pusi pan te ngöeri a laion. A kökötsi pan e halan a nitagala na nitsunono pan tara ka a töatöa a omi teka.

Revelesin 13:4

Bu katuun e hatsunoner a kökötsi, te hala menaien a nitagala tara ka a töatöa teka. Ba nori e hatsunono haseier a ka a töatöa me poeier, “Esi te antunana tara ka a töatöa? E möa tala. E möa ta katuun tega antunan hiatatung gono meien!”

Revelesin 16:13

Ba lia e taregu a topisa liliahanei a omi te tara here ii a topisa kura. A töa e lakasama i runguna kökötsi pan, na tai e lakasama i runguna a ka a omi a töatöa, na tai lel e lakasama i runguna propet a gamogamo.

Revelesin 17:18

“A tahol te tare mula lö e haharuei nena a taun a kapan te tsunono rena u tsunono ri puta.”

Revelesin 20:2

Ba nonei e pile kap nena nonei a kökötsi pan, a liliahanei a omina i manasa, nonei e Satan, me kitse nen e antunan töana turu 1,000 u hiningal.

Revelesin 8:10

Ba hatopisana angelo e pihena a tuhil i tanen. Ba töa pitopito pan te kulupu hapan here ii u bito e rus nama i kolö me rus uana tara hatopisana pala turu ramun olo na tara man ramun te bututuna.

Revelesin 8:11

A solona pitopito teka e Mal. Ba hatopisana pala tara ramun e butun malina, ba katuun a parpara e mater tara pöata ti ueien u ramun teka. Taraha? I kato hamal korui.

Revelesin 8:12

Ba hatohatsina angelo e pihena a tuhil i tanen. Ba hatopisana pala tara pitala na tara tsihou na turu pitopito e kato hakuhil raier, ba u ualesala i taren e momona. Ba hatopisana pala tara lan ema alesala nei, ne möa has tu ualesala tara hatopisana pala tara bong.

Revelesin 8:7

Ba angelo tutuun e pihena a tuhil i tanen. Ba aisina tara langits na u tula ti sohale ii u rahatsing e lapo naria i puta. Ba hatopisana pala turu tsiktsiki na turu ruei e atsir. Ba u garas u pelpeli e ats hoboto hasir.

Revelesin 8:8

A hahuoluna a angelo e pihu a tuhil i tanen. Ba töa ka te here ii u pokus pan te kulupu e lapo naria i tasi.

Revelesin 8:9

Ba hatopisana pala turu tasi e palis uana turu rahatsing, ba hatopisana pala tara manka man töatöa i tasi e mater, na hatopisana pala turu tolaala i tasi e kato homi raier.

Revelesin 9:10

A hisir u köno teka e hipis here ii a hisina kökoto. Na e ka mei a nitagala te kato hakamitsir u katuun tara tolima a tsihou.

Revelesin 9:19

A nitagala turu hos teka e kaia i rungren na i hisren has. A hisren e here ii a kökötsi, ba nori te kato hakamits rarien u katuun.