Revelesin 12:3 - U Bulunagana U Niga

³ Ba u tana u hiharöto e butu hasina i Kolö. A ka rörö a kapan koru te tara here ii a kökötsi. Nonei e ka mei u tohit u baku na maloto a ki, na man hatan tsunono e ka hobotoia tara man baku i tanen.

Revelesin 12:3 ပူးပေါင်းရင်းမြစ်များ

Revelesin 12:1

Ba u hiharöto u kapan koru e butuna i Kolö. A tahol te hasogi a pitala, na tsihou e kaia i kopina pitapitana mounen, na u hatan tsunono i bakunen e ka mei a maloto na huol a pitopito.

Revelesin 12:13

Ba pöata te atei sileia a kökötsi ti lapo ba menaien i puta, ba nonei e tanian kuteiena a tahol te posei a pien tson.

Revelesin 12:17

A kökötsi e raharaha korui a tahol be lana tegana pula gono menaien a pala tara tahol, nori u katuun te kukutier u raranga tere Sunahan na u hihatuts tere Iesu.

Revelesin 12:4

A hisnen e salo bani a hatopisana pala turu pitopito me lapo ba ranen i puta. Ba kökötsi ena tuolna i matana a tahol te katsin posa. Nonei e ngilin noui a pien tara pöata tegi poseien.

Revelesin 12:7

Na turu hiharöto teka alia u tari a töa a hiatatung te butuia i Kolö. Be Maikol na u angelo u niga i tanen e hiatatung gono mer a kökötsi pan na u angelo u omi i tanen.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 13:1

Ba lia e taregu a töa ka a töatöa te butuma i tasi. Nonei e ka mei a maloto a ki, na man hatan tsunono i kaia tara man tötöa man ki hoboto. Na nonei e ka has mei u tohit u baku, na solo a omi e ka has ia i man bakunen.

Revelesin 13:2

A ka a omi teka e tara here ii a pusi a hie te ngöeri a lepat. Na mounen e here ii a mouna tana ka a hie te ngöeri a bea, na rungnen e here ii a runguna pusi pan te ngöeri a laion. A kökötsi pan e halan a nitagala na nitsunono pan tara ka a töatöa a omi teka.

Revelesin 13:4

Bu katuun e hatsunoner a kökötsi, te hala menaien a nitagala tara ka a töatöa teka. Ba nori e hatsunono haseier a ka a töatöa me poeier, “Esi te antunana tara ka a töatöa? E möa tala. E möa ta katuun tega antunan hiatatung gono meien!”

Revelesin 15:1

Ba lia e taregu u tana u hiharöto pan i Kolö: nonei a tohit a angelo ti ka mei a nitagala tegi hala menaien a tohit a niomi i puta, a kapakapa tara man niomi. Taraha, nori e hakape riou a raharaha tere Sunahan.

Revelesin 16:13

Ba lia e taregu a topisa liliahanei a omi te tara here ii a topisa kura. A töa e lakasama i runguna kökötsi pan, na tai e lakasama i runguna a ka a omi a töatöa, na tai lel e lakasama i runguna propet a gamogamo.

Revelesin 17:12

“A maloto a ki te tare mula lö e haharuei ner a maloto a tsunono tema tsunono noari. Kaba nori e lue riou a nikapan tara tsunono tara tsitabubun pöata puku bate tsunono gono meriou a ka a omi a töatöa.

Revelesin 17:16

A maloto a ki te tare mula lö e haharuei naier u tsunono. Nori na ka a omi a töatöa e omie riou romana nonei a tahol. Nori e luba nariou a mamanaka i tanen ba nonei te belosona. Ba nori te noue riou a benöna tahol bate haats hakape rouen turu tula.

Revelesin 17:7

Ba angelo e poeiena i tar, “Alö e asingoto koru mema ha? Alia e hatei goi lö u ranga mousmous tara tahol teka na tara ka te hosei nen, te ka mena u tohit u baku na maloto a ki.

Revelesin 19:12

A matanen e here ii u tula te hiatungna, na nonei e ka mei u hatan tsunono u parpara i bakunen. A töa solo i koloto naia i tanen na e möa ta katuun tega atei sileien. Nonei puku has a töa te atei sile nen.

Revelesin 20:2

Ba nonei e pile kap nena nonei a kökötsi pan, a liliahanei a omina i manasa, nonei e Satan, me kitse nen e antunan töana turu 1,000 u hiningal.