Revelesin 12:17 - U Bulunagana U Niga

¹⁷ A kökötsi e raharaha korui a tahol be lana tegana pula gono menaien a pala tara tahol, nori u katuun te kukutier u raranga tere Sunahan na u hihatuts tere Iesu.

Revelesin 12:17 ပူးပေါင်းရင်းမြစ်များ

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

U Bulungana u Niga tere Iesu Kristo te kolotein e Jon 8:44

E tamamilimiou e Satan, alimiou e ngilin katoemiou a ka te ngile nen. Nonei a katunun a hihipuli noana i manasa, na ema tuol neia tara nimana, taraha e moa ta nimana i tanen. Na pöata te gamo nen, nonei e kukutiena a markato noahas i tanen, taraha nonei a gamogamo na nonei a mouna u mamana u gamo hoboto.

1 Korin 2:1

Tara pöata tu lama lia i tamilimiou, a matsi hahatoulana, alia uma la memei u raranga u mola tsi u mar raranga tara katuun a atei temi habulungana naia lia u raranga tere Sunahan. E möa.

1 Pita 5:8

Alimiou go hakats haniga mia i peisamilimiou, na ego haneiam! Taraha, u pakö i tamilimiou e Satan e roron hula lana bate sakeiena ta katuun tega kato homien. E here nei a laion te hula ngala lamena te sake menaneien ta ka ta töatöa tega noueien.

1 Jon 2:3

Te hengo hanige riara u raranga tere Sunahan, ara e atei silera ara u katuun hamana i tanen.

1 Jon 5:10

A katuun te hamanana tara Pien Tson tere Sunahan e atei haniga silena te mana uana u raranga teka. Kaba a katuun te hahamana nena e Sunahan nonei a katuun te poeiena, “E Sunahan a katuun a gamogamo.” Taraha, nonei e hahamana nena a ka te ranga benei e Sunahan a Pien Tson i tanen.

1 Jon 5:2

Ara e atei silera ara e ngil koru raiera a galapien tere Sunahan, tara pöata te ngil hase rara e Sunahan bate kukute hanigeiera u raranga i tanen.

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Revelesin 1:9

Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 11:7

Pöata te hatei hakapa narouien u ranga, ba ka a omi te butu nama iahana kiou te möa ta nönöanen te hiatatung mera nen romana. Ba nonei te tagala saluhe ranen romana bate atung hamate ranen.

Revelesin 12:16

Kaba u tsiktsiki e taguhi a tahol me pangana be tongolena a ramun olo te lakasama i runguna a kökötsi.

Revelesin 13:7

Na i hatangana hasiin tego hiatatung gono meraien u katuun tere Sunahan bate tagala saluhe ranen. Na nonei i katoe ii a tsunono pan turu han hoboto na u hun katuun hoboto na turu mamana u mar ranga.

Revelesin 14:12

A ka teka e mar mouna uana teka: u katuun tere Sunahan egi tagala noa lasi. Nori egi hengo hanigei u raranga tere Sunahan bate hamana hatagala ria tere Iesu.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 17:6

Ba lia e taregu a tahol teka e tutu mei u rahatsing turu katuun tere Sunahan, na e tutu has mei u rahatsing turu katuun ti atung hamate merai ti hamana uaien tere Iesu. Ba pöata tu tareia lia a tahol teka ba lia e asingoto korugu.

Revelesin 18:20

Kaba alimiou u katunura i Kolö, alimiou go sasaala meiam te taia uanen. Alimiou u katuun tere Sunahan na u aposol na u propet ego sasaala iam. Taraha? E Sunahan e hahuner u katuun tara taun teka tara manka man omi ti kateien i tamilimiou!”

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 19:19

Ba lia e taregu nonei a ka a omi te töatöa na u tsunonora i puta na u ami i taren bate gono hoboto siler tegi hiatatung gono menaien a katuun te osaia tara hos na u ami i tanen.

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 22:14

U katuun te galuser u hasobö i taren egi sasaala. Nori te tatei tasu ria tara tamana tara taun na e tatei nou ria tara huana u rueina tara nitöatöa.

Revelesin 6:9

Ba Tunan Sipsip e lukapena a hatolimana kaan harokotokap. Ba lia e taregu a man namnamei turu katuun i kopina a makumun haats tara Luman Lotu Pan. U katuun teka i atung hamate merai ti hamana uaien turu raranga tere Sunahan, na ti hatei menaien e Sunahan.