Revelesin 11:8 - U Bulunagana U Niga

⁸ Ba u tuenrei i taren te opöna romana tara kalana tara taun pan ti nila naia a Tsunono i taren tara kuruse. A man solon haharuei tara taun teka i Sodom na i Itsip.

Revelesin 11:8 ပူးပေါင်းရင်းမြစ်များ

Matiu 10:15

Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”

Aposol 9:4

Ba nonei e rus uana i puta turu tsiktsiki, me hengoena u töa u raranga bate poeiena i tanen, “O Sol, o Sol, aha te kato homi sile milö alia?”

Hibru 13:12

Na e Iesu e mate hasia ielesala tara taun tega hamatskö meraien ra tere Sunahan turu rahatsing peisa i tanen.

Hibru 6:6

Kaba nori i hapolasa ba noa hasiin e Sunahan. Na e möa koru tegi antunan palis lel menaien u hakhakats i taren, taraha e here nei nori e nila lel naria a Pien tere Sunahan tara kuruse, bate hamatsingolo lele rien i matar u katuun.

2 Pita 2:6

Na te hakulupu hakapan töa menaien a taun i Sodom na i Gomora mena köahu tununa bate hatara nena aha te hahalosena u katuun te kato homir.

U pas te kolotein e Jut 1:7

Alimiou e atei sil hase miou a taun i Sodom na i Gomora na palair u taun has i rehiren. U katuun ti kaia tara man han teka i kato hohomi koru mei a peisaren ti hiakaka gono pouts u a pal tson na touhaliou has. Na ka teka e haröto nena ime temar hahuna mera neien romana, u katuun u omi turu tula te kulupu nitöana.

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 11:9

Turu topisa na hapalana u lan, u katuun tara mamana hun katuun na tara mamana han na turu mamana u mar ranga e röter romana a tuenreiren, ba nori te hapiou ner tegi kaho meraien.

Revelesin 14:20

Ba nori e pita bulbule ria u grep ielesala tara taun, ba u rahatsing turu katuun ti mate e olo halakasa here nei a ramun olo te ruku hapopoia tara tohit a seilo, na ningahangaha i tanen e popoia tara 300 kilomita.

Revelesin 14:8

Ba hahuoluna a angelo e kukutena a angelo tutuun me poeiena, “A taun a kapan i Babilon e omi hakapa, e omi hakapa koru tala! Nonei e haua rai u katuun hoboto tara man han u uain i tanen te haharuei nena a markato tara katuun te hula hala nena a peisanen!”

Revelesin 16:19

Ba nonei a taun a kapan e takatana tara topisa makum, na u taun turu han hoboto i tarura hakapa. E Sunahan e hakats poutsin a taun a omi i Babilon, ba nonei e kato here ranei u katuun i tanen u katuun te ueier u uain u tagala te haharuei nena a raharaha a kapan tere Sunahan.

Revelesin 17:1

Ba töa tara tohit a angelo ti ka mei a tohit a kap e la uanama i tar me poeiena, “Lama, balia te hatare goui lö a nihahuna tara tahol a lulu tson te gumna tara man ramun olo hoboto.

Revelesin 17:18

“A tahol te tare mula lö e haharuei nena a taun a kapan te tsunono rena u tsunono ri puta.”

Revelesin 17:5

Na i polenen i koloto naia a solo a mounen te mousuna. A solo e markato uu teka: BABILON A KAPAN, E TSINAR A TOUHALIOU U LULU TSON NE TSINANA A MAMANA A MARKATO A OMI KORUNA I PUTA.

Revelesin 18:10

Nori e matoute riou a nihahuna teka bate tuol halehanar bate poeier: ‘Haromana, haromana taun pan teka, a taun i Babilon te ka mei a solo pan. A nihahuna i tamölö e butu boroboro koru lala iahana töa puku a aua!’

Revelesin 18:2

Ba nonei e ku hapanina me poeiena: “Tarura! A taun a kapan i Babilon e tarura hakapa! U liliahanei u omi na mamana mar liliahanei a korkoriana e ka ria i tanen, na mamana mar apena a omi has.

Revelesin 18:21

Ba töa angelo a tagala e luena a töa hatu pan me lapo nanen i tasi me poeiena: “E kato has uana romana iesana tara taun pan i Babilon te lapo ba nariou, bu katuun tema antunan sabe lele roien.

Revelesin 18:24

Iahana a taun teka e sabe roua u rahatsing turu propet na turu katuun tere Sunahan na u rahatsing has turu katuun hoboto ti atung raia i puta.”