Revelesin 11:3 - U Bulunagana U Niga

³ Na lia e hale goi a huol a tson hahatei i tar a nitagala te hahatei menaroien u raranga tere Sunahan, e antuna noa turu 1,260 u lan. Ba nori te hasoge riou u hasobön mo.”

Revelesin 11:3 ပူးပေါင်းရင်းမြစ်များ

Matiu 11:21

Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.

Matiu 18:16

Kaba tema hengoe neien lö, balö te luem ta töa tsi ta huol ta katuun bate la gono meriou lö. Ba huol tsi a topisa katuun te tatei hitaguhu ria turu ranga bate hatagaleren.

U Bulungana u Niga tere Iesu Kristo te kolotein e Luk 10:13

E Iesu e hihatuts me poeiena, “A nomi pan koru e butuna romana i tamilimiou u katunura i Korasin na i Betsaida! Sanena a man mirakol ti katoeia i gusumilimiou ti kato mameia i Taia na i Saidon i iomin, nori sanena i tori tsuga ban a man markato a man omi i taren bate ka ria turu gum.

U Bulungana u Niga tere Iesu Kristo te kolotein e Luk 24:48

Na limiou tu tara hakapeiam a manka teka ena habulungana namouen turu katuun.

U Bulungana u Niga tere Iesu Kristo te kolotein e Jon 15:27

Na limiou has te hatei namou lia, taraha alimiou tu ka gono memou lia tu tanian kui mam ma lia te antunana i romana.”

U Bulungana u Niga tere Iesu Kristo te kolotein e Jon 3:27

Be Jon e ranga palis ranen me poeiena, “A katuun e lu puku lase nou a ka te hale neien e Sunahan i Kolö.

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 2:32

Nonei e Iesu teka e Sunahan e hatakei poutseien, na alam u tara hoboteien ba lam te habulungana namen.

Aposol 3:15

Alimiou u atung hamateiam a Mouna a Nitöatöa. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

2 Korin 13:1

Nonei a hatopisana pöata teka tena tara ragoua lia limiou. U Buku u Göagono e poeiena, Te hatangana hoboto ria a huol tsi a topisa a katuun ti tari te kato homi uu a taina a katuun, nonei ena hahune riou.

Epesis 4:11

Na nonei e hala nema a man nitagala teka turu katuun: a palai i hala ramei a nitagalana tara aposol, na palai a nitagalana tara propet, na palai a nitagalana tara tson hahabulungana, na palai a nitagalana tara tsonun halotu na tson hihatuts.

Revelesin 11:2

Kaba, möa tuna tunei a makumun oho ielesala. Taraha? Nonei i hala hakapa naia turu katuun tema hamanari. Nori e tötö homier romana a Taun a Göagono e antunana turu tohats u maloto na huol a tsihou.

Revelesin 11:6

Nori e ka mer a nitagala tegi keits menaien a langits ba tema polo nei tara pöata te hatei narien u ranga tere Sunahan. Na nori e ka has mer romana a nitagala tegi hapalis menaien a man ramun bate butun rahatsingina. Na nori e ka has mer romana a nitagala tegi hala menaien a mamana mar niomi tara han i puta tara saha pöata tegi ngileien.

Revelesin 12:6

Ba tahol e bus uana tara makum a palaka. E Sunahan e kato hamatskö hakapa beien a makum teka, ba nonei tena tara kap nanouen e antuna turu 1,260 u lan.

Revelesin 13:5

Na ka a töatöa i hale ii u rung tega ranga sesei uaien bate ranga hohomi koru nena e Sunahan. Nonei e ka mei a nitagala pan teka e antunaia turu tohats u maloto na huol a tsihou.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.