Revelesin 11:19 - U Bulunagana U Niga

¹⁹ Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 11:19 ပူးပေါင်းရင်းမြစ်များ

Revelesin 11:13

Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 12:1

Ba u hiharöto u kapan koru e butuna i Kolö. A tahol te hasogi a pitala, na tsihou e kaia i kopina pitapitana mounen, na u hatan tsunono i bakunen e ka mei a maloto na huol a pitopito.

Revelesin 16:1

Ba lia e Jon e hengoegu u töa u raranga pan te butuma i Luman Lotu Pan, ba nonei e ranga uana tara tohit a angelo me poeiena, “Alimiou go na kis namia a tohit a kap raharaha tere Sunahan i puta!”

Revelesin 16:18

Ba u kanaha e butu nama, na u gururu, na nun pan, na man tana manka e olongo hasima. A nun teka e pan balein u nun hobotona i manasa koru te antunana i romana.

Revelesin 16:21

Ba u aisina tara langits e rus nama i kolö me rus uana turu katuun, a nitiama tara man tötöa i taren e antunaia tara tohats a maloto a kilogrem. Ba u ais teka e kono homi koru rena u katuun, ba nori e ranga homi koru ner e Sunahan ti hala meraien a nihahuna teka.

Revelesin 19:11

Na lia u tari u Kolö e takalata ba töa hos a hiaka te tuolina. Na katuun te osaia i tanen a solo i tanen i ngöe ii A Katunun Hihipakoko, na tana solo i tanen A Katuun te Ranga nena u Mana. Tara pöata turu kout nonei e ona hamatsköna, na tara pöata te habute nen a pula nonei e kato hamatskö hasina.

Revelesin 4:1

I murina a ka teka, balia e tara uagu i Kolö me taregu a tamana e kalata. Ba u rung te ranga mam uama i tar e here ii a tuhil me poeiena, “Sei uama iasa teka, balia te hatare goi lö a manka tega butu moto iou.”

Revelesin 4:5

U kanaha e butuma turu gumgum u göagono tere Sunahan, na u gururu na man tana manka e olongo hasima. Na u tohit u bito i kulupuia i matana u gumgum u göagono. Nori u tohit u namnamei tere Sunahan.

Revelesin 7:15

Tara markato teka te tuol sila rien i matana u gumgum u göagono tere Sunahan, nori e soloseieren tara mamana pöata, tara lan na bong, iahana Luman Lotu Pan i tanen. Ba nonei te ka gono meranen bate tara kap ranen.

Revelesin 8:5

Ba angelo e lueiena a kaan hohongo turu insens me hongeneien u tulana tara makumun haats me lapo nena men tara han i puta. Ba u gururu na u kanaha na nun e butuna, na man palaina manka e olongo has.

Revelesin 8:7

Ba angelo tutuun e pihena a tuhil i tanen. Ba aisina tara langits na u tula ti sohale ii u rahatsing e lapo naria i puta. Ba hatopisana pala turu tsiktsiki na turu ruei e atsir. Ba u garas u pelpeli e ats hoboto hasir.