Revelesin 11:17 - U Bulunagana U Niga

¹⁷ Ba nori e poeier: “O Tsunono, alö e Sunahan te Tagala Korum. Alö e kam, na lö u ka mam noahas. Alam e haniga mem tu haröto menai lö a nitagala a kapan i tamölö na e tsunono mia tara han i puta.

Revelesin 11:17 ပူးပေါင်းရင်းမြစ်များ

Matiu 11:25

Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.

U Bulungana u Niga tere Iesu Kristo te kolotein e Luk 10:21

Nonei has tara pöata, e Iesu e ka mei a nisasaala pan turu Namnamei u Göagono me poeiena, “O Tamar, alö a Tsunono pan i Kolö na i puta! Alia e haniga koru megia i tamölö te hamous me milö u raranga u mana turu katuun te poeier e ka mer a niatei, bate haröto namen turu katuun papala tema atei balari. Aa, O Tamagulia, alö e markato uaiem teka turu ngil peisa i tamölö balö te sasaala memen.”

U Bulungana u Niga tere Iesu Kristo te kolotein e Jon 11:41

Ba nori e luba ner a hatu. Be Iesu e tara seina me poeiena, “O Tamar, alia e haniga uagu i tamölö te hengo mena milö alia.

2 Korin 2:14

Aragi haniga uu tere Sunahan. Nonei te mammam here raneira u soldia ti tagala saluheia tara hiatatung, taraha ara e pala uaier tere Kristo. E Sunahan e taguhu ranoura, bara te polaser u Bulungana u Niga tere Kristo turu katuun hoboto, bate here nei u soka u masi nitöa te hatei nena te atei sil menarienra tara mamana makum.

2 Korin 9:15

Aragi haniga uu tere Sunahan te hala mera meienra nonei a ka a niga koru te niga bala nena a mamanaka, nonei a Pien i tanen.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.

Revelesin 1:8

E Sunahan a Tsunono e poeiena, “Alia a Hahatania na Nikapakapa. Na lia u ka mam noahas, na lia e kagu, na lia ena ka noahas gou i murimuri. Nonei Alia te solon tagala saluhe negu a mamanaka.”

Revelesin 11:15

Ba hatohitina angelo e pihena a tuhil i tanen. Ba u raranga u panina i Kolö e poeiena: “A Tsunono i tarara na e Mesaia i tanen e tsunono hamanasa ner u han hoboto i puta, ba nonei te tsunono nitöa nou tara mamana pöata!”

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.

Revelesin 16:14

Nori u liliahanei u omi koru ti tatei kato a man mirakol. A topisa liliahanei teka i la uu turu tsunono turu han hoboto i puta. Nori i la sil tegi gono hoboto sil menaien a hiatatung turu Lan u Kapan tere Sunahan te tagala saluhena.

Revelesin 16:5

Ba lia e hengoegu a angelona tara man ramun bate poeiena: “O Sunahan, alö e göagonom, alö tu ka mam na lö te ka noa hasim i romana. Alö tu ona hamatsköön töama.

Revelesin 16:7

Ba lia e hengoegu u töa u ranga te butuma tara makumun haats me poeiena: “O Tsunono, o Sunahan. Alö e tagala saluhem! A markato te hahuna mera mei lö u katuun e matsköna na e mana nitöana!”

Revelesin 18:8

Kaba a manka hoboto teka e butu noua i tanen turu töa puku u lan: a nimate na u hahuri na bes pan. Na nonei ena haats hase roua turu tula. Taraha? A Tsunono e Sunahan te hahune nouen, nonei e tagala koruna.

Revelesin 19:11

Na lia u tari u Kolö e takalata ba töa hos a hiaka te tuolina. Na katuun te osaia i tanen a solo i tanen i ngöe ii A Katunun Hihipakoko, na tana solo i tanen A Katuun te Ranga nena u Mana. Tara pöata turu kout nonei e ona hamatsköna, na tara pöata te habute nen a pula nonei e kato hamatskö hasina.

Revelesin 19:6

Ba lia e hengoegu a ka te ling here ii u ranga tara hun katuun pan. E olongo here ii u tasi na e tsipöho here hasi u gururu. Ba nori e poeier: “Soloseiem e Sunahan a Tsunono i tarara te tagala saluhena, na te tsunono panina.