Revelesin 11:13 - U Bulunagana U Niga

¹³ Nonei has tara pöata teka e ka mena romana a nun pan a tagala, ba nonei te kato homiena a hamalotona a pala tara taun teka bate kato hamate rena u 7,000 tara katuun. Ba palair u katuun te ka noar te matout korur romana, ba nori te soloseie riou e Sunahan te kana i Kolö.

Revelesin 11:13 ပူးပေါင်းရင်းမြစ်များ

U Bulungana u Niga tere Iesu Kristo te kolotein e Jon 9:24

Nori i ngö hahuolema nonei a katuun te matakiou mam me poeier i tanen, “Alö go ranga hamana koruia i matana e Sunahan. Alam e atei silem nonei e Iesu teka a katuun a omi.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Revelesin 11:11

Kaba i murina u topisa na hapala u lan, e Sunahan e pihu hatöatöa ranoen ba nori te taker. Ba u katuun hoboto te tara raren romana bate matout korur.

Revelesin 11:19

Ba pöata ti ranga hakapa ien, ba Luman Lotu Pan tere Sunahan i Kolö e kalater, ba lia e taregu a bokis te ka mei u rangan kits. Ba u gururu na u kanaha na nun e butu nama na man palaina manka te olongo hasima, ba aisina tara langits a tiama e rus uana i puta.

Revelesin 14:7

Ba nonei e ranga hapanina me poeiena, “Alimiou go matoute iam e Sunahan bate soloseie men. A pöata e butu hakapa tego ona meraien u katuun. Alimiou go hatsunone men, nonei te habutu u kolö na u puta na u tasi na man ramun te bututuna!”

Revelesin 15:4

O Tsunono, u katuun hoboto e matoute rioulö bate soloseie riou lö. Alö a töa te göagonom na te niga nitöam. U han hoboto emi hatsunono roua i tamölö, taraha a markato a matskö i tamölö i haröto hakapein.”

Revelesin 19:7

Aragi sasaala koru bate soloseie ren. A pöatan hitöl tara Tunan Sipsip e butu hakapa, na tahol i tanen e lu hatolo hakapi a peisanen.

Revelesin 3:4

“Kaba palair a mats katuun i tamilimiou i Saadis ema kato homiri. Nori e la gono meriou romana lia na nori ena haseier romana u hasobö u hiaka u gogoso koru. Taraha, nori e roron kato hanigar.

Revelesin 6:12

Pöata te lukapeia a Tunan Sipsip a hatönomona a kaan harokotokap, ba nun pan e butuna, ba pitala e butu haruruhanana me here nei u labalaba u ruruhana, ba tsihou e butu harörö here nei u rahatsing.

Revelesin 8:5

Ba angelo e lueiena a kaan hohongo turu insens me hongeneien u tulana tara makumun haats me lapo nena men tara han i puta. Ba u gururu na u kanaha na nun e butuna, na man palaina manka e olongo has.