Revelesin 10:5 - U Bulunagana U Niga

^5-6 Ba angelo te tuol ia turu tasi na turu tsiktsiki e hasoasei menanei a pal matou tanen i Kolö me hamana uana tara solona e Sunahan nonei te töatöa nitöana, nonei te habuti u kolö na u tsiktsiki na u tasi na mamanaka iaharen. Ba angelo e ranga hamana uana iasa me poeiena, “E möa lel nou tegi hahaloso uu!

Revelesin 10:5 ပူးပေါင်းရင်းမြစ်များ

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 17:23

Alia u hula la bate tareiegu a man makum a man Göagono te lotu mia limiou. Alia u tara hasi a töa makumun haats te kana u ranga te poeiena: ‘Tara töa got tema atei sileri u katuun.’ Nonei a Got teka te hatsunono uami limiou na limiou ema atei sile mien, nonei a Got te habulungana nagu lia i tamilimiou.

U pas te koloto menai e Pol turu kristenira i Rom 1:20

A katuun ema antunan tare nei e Sunahan, kaba tara pöata te habuteia e Sunahan a mamanaka te noana i romana, u katuun i atei sil a markato tere Sunahan na nitagala i tanen te ka nitöana. A manka te habuti e Sunahan e haröto halesala nena a ka teka, ba u katuun tema antunan poeieri nori ema atei sileri e Sunahan. E möa.

Hibru 6:13

Pöata te hala naia e Sunahan u rangan hamana tere Abraham, nonei e ranga hamanaia i peisanen pouts, taraha e möa ta taina ta katuun tega pania i tanen.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 10:2

Nonei e ka mei a pits pepa a tetenei te tapalataia i limanen. Nonei e hatöeia a pal matou i tasi na pal keruka turu tsiktsiki.

Revelesin 14:7

Ba nonei e ranga hapanina me poeiena, “Alimiou go matoute iam e Sunahan bate soloseie men. A pöata e butu hakapa tego ona meraien u katuun. Alimiou go hatsunone men, nonei te habutu u kolö na u puta na u tasi na man ramun te bututuna!”

Revelesin 16:17

Ba hatohitina a angelo e kis nena a kap i tanen iasa. Ba u töa u raranga pan e butu nama turu gumgum u göagono iahana Luman Lotu Pan me poeiena, “E kapa tala!”

Revelesin 4:9

Ba te roron solosei ria nori a tohats a ka a töatöa teka e Sunahan bate hapane ren na e haniga has uaier i tanen, nonei te gum na turu gumgum u göagono, nonei te töatöa nitöana.