Revelesin 10:1 - U Bulunagana U Niga

¹ Ba lia e taregu a tana angelo a tagala e koulma i Kolö. U köasi e kopo kap naien na bötou e hahisi a bakunen. Na matanen e here ii a pitala, na mounen e here ii u tula.

Revelesin 10:1 ပူးပေါင်းရင်းမြစ်များ

Matiu 17:2

Ba tara pöata ti tara uaien tere Iesu, ba nori e tareier te palis uu tuenrei tere Iesu: a matanen e alesala herei a pitala, na u hasobö i tanen e hiakan töa bate alesala hatagala koruna.

U Bulungana u Niga tere Iesu Kristo te kolotein e Luk 21:27

Ba nori te tarer romana alia tu butun Katunuma e la sila guma romana turu köasi i kolö na nitagala na u ualesala pan.

Aposol 26:13

O King, alia u la noaia i maroro tara söasa balia e taregu u töa u ualesalana i Kolö te alesala balein a pitala, ba nonei e piraha hahise noulia na u katuun has ti la gono meiou lia.

Revelesin 1:7

Taraiam! Nonei e la gono me nama u köasi. U katuun hoboto e tare rouen, na u katuun has ti sakeien u saka. A man hun katuun hobotora i puta e hakats narouen bate tonur. Aa, u mana.

Revelesin 18:1

I murina a ka teka alia u tarei a tana angelo te koulma i Kolö bate ka mena a nitsunono pan. Na u ualesala i tanen e alesala sokö uu turu han hoboto i puta.

Revelesin 18:21

Ba töa angelo a tagala e luena a töa hatu pan me lapo nanen i tasi me poeiena: “E kato has uana romana iesana tara taun pan i Babilon te lapo ba nariou, bu katuun tema antunan sabe lele roien.

Revelesin 20:1

Ba lia e taregu a töa angelo te koul ma i Kolö bate pile nena a ki tara kökopona a kiou te möa ta nönöanen na a tsien a tiama.

Revelesin 4:3

Nonei e alesala here ii a man hatu a man niga koru te ngö rari u tsaspa na u konilian. Na töa bötou, te tara here ii a hatu a bibil te ngöeri a emeral, e hahisi u gumgum u göagono.

Revelesin 5:2

Ba lia e taregu a töa a angelo a tagala koru e ranga hapan me poeiena, “Esi te ka mena a nitsunono te antunan lukapa nena u kaan harokotokap bate palatena a pits pepa teka?”

Revelesin 8:13

Ba lia e taregu a töa manu te tapa uu iasa koru, ba lia e hengogu te ranga hapan uaien me poeiena, “Niomi, niomi, niomi. U niomi pan e butu noa turu katuun te ka ria i puta tara pöata te pihe roua a tana topisa angelo u tuhil i taren. Nori e katsin pihu hamanaseren.”