Revelesin 1:9 - U Bulunagana U Niga

⁹ Alia e Jon, a hahatoulana i tamilimiou turu katuun te hamana ria tere Iesu. Alia e sagoho hasegu a kamits te sagohe milimiou, ba ra te pile hakarapoto ria tara Nipepeito tere Iesu. Alia i kitse iou mena hake ria tara tolo te ngöeri i Patmos, tu hihatuts naia lia u raranga tere Sunahan na manka a man mana te harötein e Iesu.

Revelesin 1:9 ပူးပေါင်းရင်းမြစ်များ

Matiu 20:23

Be Iesu e poeiena, “Alimiou ena ua moa tara kap i tar. Kaba lia ema antunan hopö kap nagi esi tena gum noa tara pal matou na tara pal keruka i tar. E Tamar puku lahas te hopö kapiin u katuun tegi lui a man makum teka.”

U Bulungana u Niga tere Iesu Kristo te kolotein e Mak 10:39

Ba nori e poeier, “Alam e antunam.” Be Iesu e poeiena i taren, “Aa, alimiou e na ua moa tara kap tena ua goua lia, na limiou e na sagohe mou a mar nikamits tena sagohe goulia.

U Bulungana u Niga tere Iesu Kristo te kolotein e Jon 16:33

Alia e mar ranga uagula teka ba masalohana i tar te tatei ka gono mera nou limiou. E manana, a markatona i puta teka e habute nou romana u nikamits i tamilimiou, kaba limiou go tagalaiam, taraha alia u la karasa hakapi a markatona i puta.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

U pas te koloto menai e Pol turu kristenira i Rom 8:25

Kaba te hamana sile rara a ka tema tara noe rira, ba ra te hahaloso haniga nitöara batema tatei sökana rei.

2 Korin 1:7

Alam e hamanem, te sagoho has memilimiou a mar kamits te sagohe mulam, alimiou ena lu hase mou a niniganiga tena hala ranouilam e Sunahan.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Pilipai 4:14

Kaba limiou e kato haniga koru memiou te taguhu noahas mena milimiou alia tara pöata teka te ka megia lia a nitiama.

2 Tesalonaika 3:5

A Tsunono e tatei hantuna ranou limiou ba limiou te atei silemiou ime temar ngil koru mera nei e Sunahan alimiou, ba limiou te kato noahas uamiou te kato uana e Kristo batema hanöa moi.

2 Timoti 1:8

Bora, alö goma matsingolo mei tego ranga hatei menailö a Tsunono i tarara. Na lö goma matsingolo has mei lia, te karabus sil menagi lia e Kristo tara luman karabus. Kaba tara nitagala tere Sunahan, hahanei sil tego toul menailö a pala i tamölö tara nikamitsina turu Bulungana u Niga.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

Revelesin 1:1

U hiharöto tere Iesu Kristo. E Sunahan e haleien a manka teka ega haröto raien u katunun kui i tanen a manka tena butu nou romana. E Kristo e hala mena mei a angelo i tanen i tar, alia e Jon a tsonun kui i tanen, me haröte nei lia a manka teka.

Revelesin 1:2

Alia e hatei negu a manka hoboto tu tari lia, u raranga tere Sunahan na tere Iesu Kristo.

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.

Revelesin 1:6

E Iesu e kato raira u pris na u tsunono tegi taguhi e Tamanen e Sunahan. Solo sei nitöa naiam a solonen. A nitagala i tanen e tatei ka nitöana romana. U mana.

Revelesin 11:7

Pöata te hatei hakapa narouien u ranga, ba ka a omi te butu nama iahana kiou te möa ta nönöanen te hiatatung mera nen romana. Ba nonei te tagala saluhe ranen romana bate atung hamate ranen.

Revelesin 12:11

Nori i tagala saluheien tara nitagala turu rahatsing tara Tunan Sipsip na turu ranga hamana ti habulungana naien. Nori ima peits nai a peisaren, na ima matout hasei tegi mate sil menaien e Sunahan.

Revelesin 12:17

A kökötsi e raharaha korui a tahol be lana tegana pula gono menaien a pala tara tahol, nori u katuun te kukutier u raranga tere Sunahan na u hihatuts tere Iesu.

Revelesin 14:12

A ka teka e mar mouna uana teka: u katuun tere Sunahan egi tagala noa lasi. Nori egi hengo hanigei u raranga tere Sunahan bate hamana hatagala ria tere Iesu.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”

Revelesin 20:4

Ba lia e taregu a man gumgum a man göagono na u katuun ti gum ia i taren. I hala rai a nitagala tegi ona meraien u katuun. Ba lia e tara hasegu a namnameir u katuun ti ngats pagoteir. U katuun teka i roron habulunganein u raranga hamana te rangein e Iesu na u raranga tere Sunahan, na nori ima hatsunone ii a ka a omi a töatöa na u kesa i tanen. Nori ima hatiti hasna ii a hatöatongo tara ka a omi a töatöa i poleren na i limaren. Ba nori e töatöa poutsur me tsunono gono meier e Kristo e antunaia turu 1,000 u hiningal.

Revelesin 3:10

“A pöata a omi e butu noua romana tara man han hoboto i puta, ba nonei te torohana rena romana u katuun hoboto. Kaba lia e hatongo kap romana ragou limiou tara niomi teka. Taraha? Alimiou e roron hengoe miou u raranga i tar bate tuol hakarapoto namiou te omi merari limiou u katuun.

Revelesin 6:9

Ba Tunan Sipsip e lukapena a hatolimana kaan harokotokap. Ba lia e taregu a man namnamei turu katuun i kopina a makumun haats tara Luman Lotu Pan. U katuun teka i atung hamate merai ti hamana uaien turu raranga tere Sunahan, na ti hatei menaien e Sunahan.

Revelesin 7:14

Ba lia e poeiegu i tanen, “A tsi tsunono, alö te ateim.” Ba nonei e poeiena i tar, “Nori u katuun ti lama tara pöata tara kamits pan. Nori i galus hahiake mei u hasobö i taren u rahatsing tara Tunan Sipsip.