Revelesin 1:18 - U Bulunagana U Niga

¹⁸ Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 1:18 ပူးပေါင်းရင်းမြစ်များ

Matiu 11:23

Na limiou u katunura i Kapenium e tatei soloseiemiou a peisa milimiou i kolö, kaba e Sunahan e lapo ba has ranoua limiou i hel! Sanena e Sunahan te katoe u mar mirakol teka tara taun i Sodom, a taun i Sodom sanena e ka noa hasina i romana.

Matiu 16:19

Alia e hale goi lö a kii na tara Nipepeito tere Sunahan. A saha ka te kitse moalö i puta, e kits hase roa i Kolö. Na saha ka te haniga namoa lö i puta, e haniga has naroa i Kolö.”

U Bulungana u Niga tere Iesu Kristo te kolotein e Luk 24:5

A touhaliou i matout koru, ba nori e tuturukur, ba huol a katuun e poeier i taren, “Aha te sake sile milimiou a katuun a töatöa i gusur u katuun u mate?

U Bulungana u Niga tere Iesu Kristo te kolotein e Jon 11:25

Be Iesu e poeiena i tanen, “Alia nonei a nitakei pouts turu katuun na nitöatöa. Esi te hamana uana i tar, noahasina te mate uaren romana, kaba nori ena töatöa pouts has riou romana.

U Bulungana u Niga tere Iesu Kristo te kolotein e Jon 14:19

Ema lehana noi ba u katunura i puta tema tara lele roi lia, kaba limiou e tare moulia. Taraha, alia ena töatöa pouts gou romana ba limiou te töatöa has mou.

U pas te koloto menai e Pol turu kristenira i Rom 6:9

Ara e atei silera e Kristo e takei pouts ia tara tou mate na ema antunan mate lel noi. A tou mate e möa lel ta nitagala tego kato homi lel meien.

2 Korin 13:4

E manana, ti nila naia e Kristo tara kuruse e harötein a nipata i tanen, kaba tara nitakei na nitöatöa i tanen, e haröto nena a nitagala tere Sunahan. Na lam e roron pata here hase mien, kaba pöata tena ka moua lam i tamilimiou, alam e ka memou a nitagala tere Sunahan te markato uana a katuun te ka gono mena e Sunahan.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Kolosi 3:3

Taraha, alimiou u mate hakapaiam, na nimana tara nitöatöa i tamilimiou e mousuna tere Kristo ba limiou te ka hoboto mia tere Sunahan.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 12:2

Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Hibru 7:16

Ara e atei silera nonei ima katoe ii a pris iahana a Lo te poeiena nonei ega hatubunaia tere Livai. E möa. E Sunahan te katoeien a pris tara nitagala tara nitöatöa i tanen tema antunan kapa nei.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

Revelesin 15:7

Ba töa tara tohats a ka a töatöa e hala ranei a tohit a angelo a tohit a kap ti kuiei a goul. A man kap teka i saputi a raharaha tere Sunahan, nonei te töatöa nitöana.

Revelesin 2:8

Ba nonei a katuun e ranga lenina me poeiena, “Alö go koloto menai u raranga teka tara angelo tara hun katuun tere Kristo te ka ria i Smeena: “U raranga teka u raranga tara katuun te ngöeri a Hahatania na ni Kapakapa, te mate me töatöa poutsuna.

Revelesin 20:13

Ba u katuun ti rukuia i tasi e takei poutsur, na u katuun hoboto ti mate i takei pouts has. Ba nori hoboto e kout merari a manka ti katoe len i puta.

Revelesin 20:14

Ba Tou Mate na Han turu Mate e lapo raria iahana a kiou pan te saputi u tula. A kiou teka nonei a hahuoluna a tou mate.

Revelesin 3:7

Na nonei a katuun tu tari lia e pei hasi, “Alö go koloto menai u raranga teka tara angelo tara hun katuun tere Kristo te ka ria i Piladelpia: “U ranga teka nonei u raranga tara katuun te göagonona na te manana na te pile nena a nitsunono tere Devit. A ka te kalate nen, e möa tegi tatei hapili menaien. Na ka te hapilie nen, e möa tegi tatei kalata menaien.

Revelesin 4:9

Ba te roron solosei ria nori a tohats a ka a töatöa teka e Sunahan bate hapane ren na e haniga has uaier i tanen, nonei te gum na turu gumgum u göagono, nonei te töatöa nitöana.

Revelesin 5:14

Ba tohats a ka a töatöa e hatanganar me poeier, “U mana!” Ba u tsunono e hopöeria a peisaren i puta me hatsunono raren.

Revelesin 6:8

Ba lia e taregu a hos a ngöngöana, na ka te osaia i tanen i ngöei a Tou Mate, na Han turu Mate te kukute hasukusukuia i tanen. Nori i hala rai a nitagala tegi kato hamate meraien u katuun i puta tara mar tou mate teka: a hiatatung, a bes, a siki, na ka a hie. Ba hatohatsina pala turu katunura i puta e mater.

Revelesin 9:1

Ba hatolimana angelo e pihena a tuhil i tanen. Ba lia e taregu a töa pitopito te rusuma i kolö me rus uanama i puta. A pitopito i hale ii a kii tara tamanana tara kiou te möa ta nönöanen.